許志安紅館演唱會｜許志安感性告白淚灑舞台「對我嚟講係一個奇蹟，因為我真係冇諗過」

入行 30 年重踏同一個舞台

安仔在唱出《戀愛片段》後，分享這是他入行第一張專輯的主打歌，說：「呢張唱片係1988年推出，載滿自己好多回憶。然後1996年我第一次喺紅館開個人演唱會《痛快的一夜》，當時有《男人最痛》呢首歌。三面台、三場；30年後嘅2026年今日，許志安再踩返同一個舞台。好多人可能覺得係巧合，但對我嚟講係一個奇蹟，因為我真係冇諗過，自己仲有機會擁有一個屬於自己嘅舞台。」

迷惘期靠跑步越過小山丘

安仔更透露在迷惘期愛上跑步，每次望著小山丘都會問自己，幾時才可以跑過這座山？山後面又會是什麼景色？說：「我跑咗好幾年，今日我知道自己終於跑咗上去，見到嘅景色，就係我而家眼前嘅你哋，多謝你哋。」

紅館化身大 K 房 梁詠琪陳柏宇台下力撐

至於觀眾最期待的唱K大合唱環節，昨晚換上《其實你心裡有沒有我》、《二人行一日後》及《喜歡妳是妳》。歌迷經頭場熱身後，第二場表現越唱越勇，連坐在台下的梁詠琪、陳柏宇都與全場歌迷一同高唱！去到Encore環節，安仔加碼與大家合唱《情人甲》，為昨晚演唱會劃上完美句號。