譚詠麟演唱會｜譚詠麟完騷真情剖白親解不再做大型演出「好似係告別又未必係告別」

坦言不再做大型演出 告別又未必是告別

「好似係告別又未必係告別。」校長一番話道盡對舞台的不捨。今次終極篇個唱由籌備到完成，校長心態與以往截然不同：「對自己嚟講應該唔會再做一啲大型嘅演出。」

親解舉重若輕的 200% 舞台哲學

On Show 時的校長從容不迫，心情相當輕鬆，Edmond 在校長身上看見甚麼叫「舉重若輕」，校長親解箇中舞台哲學：「我所有嘢準備咗十成，但上到台所有嘢我唔會再理，之前做晒咁多嘢能夠變200%出嚟當然係最好，若果只能夠交出七、八成我都由佢，隨緣。」

歌迷隔空告白盼唱到 80 歲 校長深受感動

談到校長金曲威力驚人，某一些歌一唱即會引起全場哄動，校長笑言經典金曲還有神奇功效：「我啲朋友話，突然間見有幾個人喺輪椅度彈起身，識行得返。」另外，不少 Fans 隔空現身向校長表白：「等緊大灣區開我哋會去聽」、「希望佢身體健康唱到80歲」、「最好一路開落去」，校長聞言相當感動。