女神配對計劃2｜何沛珈轉投冷氣男神Oscar引爆負評！網民轟「綠茶」橫刀奪愛：佢擺明想搶

放棄溝通良好的 Tony 轉投 Oscar 網民怒轟「外表至上」

昨晚集數播出後，Threads 上隨即出現大量檢討何沛珈表現的貼文。不少網民指出，Tony 脾氣好且斯文真誠，然而何沛珈卻不看內在美，單純因為嫌棄對方不夠帥氣而發「好人卡」。有網民痛批：「呢個女人根本就玩嘢，真心鍾意佢嘅男人佢又睇唔上眼，睇見人哋嗰啲咁甜蜜，又呷醋想爭埋一份」。

棄 Tony 搶 Oscar 網民狂鬧「綠茶插腳」

也有網友替 Tony 抱不平：「Tony 哥好慘，其實 Tony 都唔係咁差啫……不過冇計，好多人樣行先」，指責她「名副其實嘅綠茶婊」、「淨係睇外表」。更令觀眾無奈的是，原本兩情相悅的 Kanis 與 Oscar 互動極具火花，何沛珈卻在完全沒有溝通的前提下「硬插一腳」投給 Oscar，搞到現場場面極度尷尬。

網民質疑「爭人嘢先開心」 社交平台開火批博出鏡

大批網民在 Threads 上開火，狠批何沛珈「綠茶」及「好假」，質疑她先前面試環節明明沒有給 Oscar 燈，如今見人帥氣且有話題度才橫刀奪愛。有留言質疑她介入別人的感情：「如果人哋已經曖昧緊，佢差隻腳去人哋感情入面，已經係搶人條仔啦！」。

說好的不爭不搶？場面超 Kam 

甚至有網民直指她「由頭到尾都係為咗博出鏡，其他女神都有著落，佢驚自己被淘汰同冇話題」，更直言「搞到個場面幾尷尬，無啦啦多咗個人揀自己，完全冇溝通過嗰陣，認真 Kam」。雖然何沛珈先前曾發文強調「如有好感只會表達，但不爭不搶」，但網民對此並不買賬，狠酸「最後都出咗左手」，昨晚的表現顯然無法平息觀眾怒火，形象大受打擊。

延伸閱讀：