璀璨之城劇情｜陳瀅自爆主動要求加碼演出！太緊張險「剝光豬」︰差啲一嘢除晒
在 TVB 台慶劇《璀璨之城》中，陳瀅為角色獻出了入行以來最大尺度演出！她受訪時親自揭幕後秘辛，大爆當初竟是自己主動向監製要求「加碼」拍得更深入大膽，更透露拍攝現場一度差點發生「剝光豬驚魂」！
苦練 9 個月增肌減脂 主動向監製要求「加碼」大膽演出
談到身形獲讚，陳瀅接受訪問時坦言為了拍出最佳效果，足足花了 9 個月時間增肌減脂：「主打練下半身同不停練 pat pat，而亦因為我為咗呢個角色堅持，令我養成咗健康嘅生活習慣。」
陳瀅續指當初與監製陳維冠 Joe 傾劇本時，已十分喜歡這個故事，而當知道有相關場口後，還馬上傳短訊給監製主動要求「加碼」：「初頭佢話放心好簡單，一個 back shot 上半身除衫露個背就得。但我覺得呢場戲可以拍得更深入同大膽，出嚟效果會更好。」陳瀅又強調場口並非賣弄性感，而是想展現角色的極大犧牲，故絕對值得拍得更 Iconic。
除褲太緊張險連內褲除晒 幕後花絮曝光張智霖反差萌
談到首度挑戰如此大膽場口，陳瀅笑言一度緊張至驚現「剝光豬驚魂」：「嗰個 Shot 係影我要除褲，我記得拍第一個 take 因為太緊張，條底褲黐實咗條褲，差啲一嘢除晒，嚇到 Cam man 哥哥勁驚，叫我慢慢嚟。」
此外，劇組釋出相關場口的搞笑 NG 片。事緣當陳瀅步進陳曉華與張智霖的私竇後，一味顧著扮酷及唸台詞，竟忘記了要先放下包包準備之後的除衫動作，結果要張智霖「畫外音」提醒才如夢初醒。鏡頭背後張智霖一秒由型爆 Cool 魔變成可愛初哥哥，展現極致反差萌！
港生活人氣娛樂新聞
↓【送戲飛🎬】玩遊戲請您睇戲 ↓
↓【限時搶⚡】七海健絡康復草天然減痛膏↓
↓減輕急性疼痛、腫脹↓
U GO 本週好去處
