璀璨之城劇情｜張曦雯特意駁長髮演陰濕極入戲！一集換6造型宛如Fashion Show

張曦雯特意駁長髮一集換 6 造型 陰招盡出榮升「陰濕女王」

由年青時已深愛孝君的 Kate，為孝君可調機關算盡兼壞事做盡，為好好成為孝君背後女人，Kate 經常要與其他名媛打關係兼收風，除了要談吐得宜，貴氣魅力裝扮亦是重點之一，難怪張曦雯 Kelly 之前受訪時透露，《璀璨》造型至少三十款以上，接近場場戲都要換衫。昨晚一集 Kelly 便一口氣換了 6 個造型，當中最搶眼的，分別是頸部有大蝴蝶點綴的牛仔布連身裙、以及雪紡高貴造型。

原來 Kelly 為了營造新鮮感，刻意為角色駁長頭髮，相當有心思，她接受官方訪問說：「今次特別駁咗黑色長頭髮，以前嘅角色都未試過。妝容亦特登化得亮麗啲，因為我想呈現出佢想喺二少身邊做一個好靚同完美嘅老婆。」

網民對於 Kelly 的「璀璨名媛」Look 亦相當受落，大讚穿出了時尚高級感之餘，亦自然不刻意，令觀眾看得賞心悅目：「每集都好似睇緊一場時裝 Show 咁」、「大蝴蝶結很吸睛」。而對於 Kelly 在劇中為達目的不擇手段，說話又句句有骨，網民亦同樣受落，並大讚 Kelly 入型入格：「Kelly 演陰濕很入戲」、「Kelly 壞人臉好適合演奸角」、「女人就係咁心計」。