試真D唷｜台北挑戰極限「大王具足蟲」拉麵！GM驚到面容扭曲 江美儀試食蟲卵：打個卵先！
由江美儀、朱敏瀚、吳業坤、曾展望（GM）及張振朗主持的 TVB 旅遊飲食節目《試真D唷》，本周日（18日）播出的最新一集中，美儀姐夥拍 GM 與張振朗遠赴台北挑戰獵奇極限——外型似足「巨型甲蟲」的「大王具足蟲」拉麵，過程既震撼又爆笑！
大王具足蟲震撼登場 GM 驚到面容扭曲直呼正常人唔食
在三個「試真D唷」行動中，以特色拉麵店的試食經驗最為震撼！今集三人要挑戰外型似足「巨型甲蟲」的「大王具足蟲」拉麵。在未見到大王具足蟲真面貌之前，GM 已經被嚇到花容失色，接連露出「極致痛苦」表情，驚到瘋狂大叫：「正常人唔會食。」美儀姐即時搞笑反擊：「即係而家我哋唔正常啊？」互動非常爆笑。
當廚師將大王具足蟲真面貌擺在面前時，GM 再度陷入極度不安。特別到了「取卵環節」，GM 睇到皺眉兼扁嘴，擺出極之嫌棄的表情直呼：「佢（大王具足蟲）好壓場。」
肉質鮮甜讚不絕口 美儀姐試食蟲卵調戲張振朗
不過正所謂「唔好畀外表呃咗」，美儀姐、振朗在試食後，竟然迎來意想不到的驚喜，二人好食到露出極度享受表情：「好鮮呀！」、「好好味呀！」、「啲肉係好鮮」。至於卵子口感，美儀姐食到 Lam Lam 脷，相反振朗因覺得太腥而不太喜愛，美儀姐見狀即搞笑調戲振朗：「打個卵（輪）先啦！」，場面相當逗趣。
港生活人氣娛樂新聞
↓【😋請您食】人氣餐廳全新餐單 ↓
> 一步登記，免費試食豐富二人餐 <
↓【限時搶⚡】moonwell尊貴花膠食療系列養生燉湯↓
↓正宗原條花膠筒｜滋陰養顏↓
U GO 本週好去處
