女神配對計劃2｜阮嘉敏追求者Hepta背景大起底！量化交易員暖男年薪50萬

貼心呵護 Mandy 摸頭殺甜爆全場

拍攝開始前，Hepta 已為 Mandy 準備了眼藥水，之後在心跳電話亭開始前，又準備了集合 Mandy「最愛食物」＋「生日願望」的「快樂小狗格仔餅」。進入電話亭前更細心問 Mandy：「你邊邊面靚呀？」令 Mandy 及花生團 Maggie 都為之驚艷。

在電話亭內，Mandy 坦言被其剝肉等貼心舉動感動，講到眼濕濕時，Hepta 接連三次輕拍 Mandy 的頭，甜爆全場。Mandy 更大讚 Hepta 很有同理心，會充當翻譯幫聽不懂廣東話的東東解釋。

遞紙巾安慰競爭對手東東 獲封「紙巾暖男」洗版激讚

除了對 Mandy 百般細心呵護，就連對對手東東也是相當照顧。Hepta 知道東東為「落選」不開心，馬上第一時間拍東東膊頭示意安慰；當東東落淚時，Hepta 又馬上掏出帶備的紙巾給東東拭淚，令花生團及網民均大為驚艷。

網民：「重點係佢有帶紙巾，真係好加分。」網民洗版大讚：「Hepta 真係一個超級大好人，鏡頭內外唔單止對女神好貼心，連競爭對手佢都會好關照」、「對身邊嘅人都好好，就證明佢真係一個有同理心、善良嘅人。」

「最強素人」Hepta 起底 年薪 50 萬極專一「愛敏宣言」曝光

Hepta 一夜爆紅，根據資料，Hepta 職業是量化交易員，年薪 50 萬港元，專長是排球及業餘健身，動靜皆宜。Hepta 報名《女神 2》時，已展現其超強專一面，首先在擇偶條件一欄，他直接寫「Mandy 就係我嘅理想型」，之後參加節目原因一欄，他亦是只因喜歡 Mandy：「如果 Mandy 畀隱藏女神取代退出節目，我會同佢一齊退出」，專一程度達至 Man 爆境界！

相關閱讀：