女神配對計劃2｜4女爭1男驚變「Oscar配對計劃」 直認「有少少M底」鍾意霸道姐姐

4 大女神同搶 Oscar 陳星妤空降令心跳狂飆 153

昨晚一集有兩大焦點，分別是 Mandy、Hepta 及東東的三角關係，以及 Oscar 極搶手被 4 位女神睇中。4 位睇中 Oscar 的女神分別為 Kanis、Roxanne，以及新加入的隱藏女神 Yvette 及超怡。

昨晚一集，Oscar 先後與 Yvette 及 Kanis 接受了「心跳」主題考驗，雖然就咁睇，Oscar 與 Kanis 互動更甜更多；但正所謂身體很誠實，Oscar 昨晚與 Yvette 玩遊戲時，心跳指數狂升 43，由開始時的 110 狂飆至 153；反而與心儀女神 Kanis 互動時，心跳指數只升了 13 至 129，難怪網民笑言 Yvette 最令 Oscar 心動，大讚 Yvette 魅力驚人，對現有五大女神構成極大威脅。

Kanis 出絕招托下巴咬耳仔 Oscar 坦言有少少 M 底

其實 Oscar 與 Kanis 在心跳電話亭中互動極多！由於電話亭空間狹小，怕醜的 Oscar 甫進內已不敢正眼望 Kanis，令 Kanis 要出絕招逼令 Oscar「正視」自己：「點解你哋可以望住人講嘢嘅？」而 Oscar 亦因而忍俊不禁，氣氛粉紅。

由於 Kanis 其中一個任務是要令 Oscar 心跳加速，故經 Oscar 提水及默許下，Kanis 先後主動「咬耳仔」及「托 Oscar 下巴」，成功令 Oscar 爆笑兼大嗌「好緊張」，只是可惜對刺激心跳無效。

+3

+2

點擊圖片放大

其實對於 Oscar 心跳狂飆，Kanis 確實有所顧慮，故在電話亭中亦有一再追問相關事宜：「咁你係咪鍾意強勢少少、主動啲？」而 Oscar 則搞笑回應：「我係有少少 M 底！」十分 Cutie。不過 Oscar 事後坦言對於 Kanis 的呷醋及認真有所保留：「Feel 到呷醋嘅，呢個就係我講同小妹妹拍拖會遇到嘅事（問題）。」

霸道姐姐陳星妤強勢進擊 Oscar 直認鍾意雙眼皮高鼻梁

至於 Yvette 玩遊戲時出盡板斧令 Oscar 心跳狂標，包括無預警叫 Oscar 擘大眼，及以強勢口脗叫 Oscar 望住自己；加上為了食鞋帶糖，Yvette 一度將面挨到 Oscar 好近，令 Oscar 一度驚現 153 心跳指數，這個數字，令 Roxanne 亦為之震撼：「我跑步都係 150 咋。」

即使沒有埋身接觸，Yvette 單是與 Oscar 傾閒偈，心跳已狂升至 140！事後 Oscar 直認覺得 Yvette 靚女，並解釋心跳暴升主因是女方的強勢令他超緊張：「我覺得佢係靚嘅，本身自己好鍾意女仔眼大大、雙眼皮同鼻高高」、「佢會好似望穿你嘅感覺」、「佢會專登講一啲說話或者做啲舉動令到我好緊張，真係偏霸道姐姐」、「因為本身我係鍾意姐姐，所以如果佢強勢少少，佢係會令到我好唔自在，所以我個心跳得好快。」