璀璨之城｜吳卓羲張曦雯咀嘴甜蜜互動引爆熱議！張智霖帶頭圍攻逼問是否真CP

吳卓羲張曦雯甜度爆燈 分半鐘一 Shot 落走位精準

昨晚 Ron 及 Kelly 在劇中起小爭執，為時約分半鐘的一 Shot 落場口，二人由走廊走入房間、再由房間走出走廊再轉移到窗邊講數一幕相當精彩，二人的情緒變化及前後走位互換都拿捏得相當精準。

+3

+2

點擊圖片放大

之後 Kate 因孝君收到 Alice 短訊再次呷醋，孝君即俯前攬實 Kate 反客為主：「你覺得我應該點覆佢好」，Kate 即乘機宣示醋意和主權：「不如你覆佢，唔使同我客氣，話晒舊相識一場」，孝君亦見招拆招：「我咁覆佢，佢會唔會誤會我掛住佢？」Kate：「你同人講咁多真心說話，唔係就係想人覺得你餘情未了咩？」Ron：「佢要咁諗我冇辦法架喎，我唔係咪得咯。」雖然阿 Kate 表面聽句句有骨，但期間又忍不住流露甜蜜得戚樣，再配以阿 Ron 的寵溺樣，本身已甜度爆燈。

+4

+3

點擊圖片放大

張智霖帶頭圍攻爆真 CP 懷疑 張曦雯面紅狂捏魚網袖

眼見阿 Kate 開始心軟，孝君即抓緊機會大派定心丸：「你知唔知呀，冇人比你更適合做官家二少奶」，說畢即追加甜蜜咀嘴及深情對望，當中尤其 Kelly 甜到能擠出蜜糖的眼神，更是令不少網民懷疑二人是真 CP。搞笑的是，《璀璨》眾演員聚埋看第四集，眾人事後接受《東張西望》訪問時，張智霖竟帶頭圍攻張曦雯呷醋，Kelly 對此不但甜笑不停，還被揭發緊張地狂玩衫袖，更令她與 Ron 的緋聞更加似層層。張智霖：「你睇下佢（張曦雯）隻手捏到。」Kelly：「唔係呀，我覺得畫面錫得靚。」江美儀：「你面都紅晒喎。」張智霖：「你做乜啫，你平時都唔係咁。唔好再掀，爛喇，成個魚網袖都爛晒喇。」