璀璨之城角色｜鄭子誠深藏不露成BigBoss最大熱門！黏鬍鬚造型被笑指撞樣薯片先生

鄭子誠深藏不露惹 Big Boss 揣測 

由於無綫每套大製作均會有「估你唔到」Big Boss 出現，網民連日來開始陸續盤點「嫌疑」人物，暫時呼聲最高的，分別是老是常出現的「表叔管家」方易安（鄭子誠飾），以及只見照片，明日終於可以見到真身的龔姐龔慈恩。先說鄭子誠，其實近年鄭子誠只要一出現都會惹來「忠奸疑雲」，雖然今次子誠已以極穩重忠厚形象亮相，包括長年冇乜大表情、兼只有微妙表情變化的演出，但由於角色性格見風使舵、欠缺絕對忠誠，變相增添 Big Boss 嫌疑。子誠接受訪問時，談到被指是 Big Boss 的角色時演繹如下：「我表面上係一個官家管家，但其實我一切都看在眼裏又一切都聽在耳裏，所以演繹要保持沉實，唔可以有太誇張嘅表情，如果唔係會畀人知我聽緊佢講嘢，我會用深藏不露嚟形容。」

爆黏鬍鬚造型撞樣薯片先生

談到角色造型，子誠笑指一切都是監製發辦，他唯一曾爭取過的，是想為角色加番副眼鏡，皆因有助增添自信，可惜最終卻因 John 哥而被監製拒絕：「其實監製喺造型度成日都好有心思，我試過電鬈頭髮、又試過好短，今次佢就叫我 Gel 頭同黐鬚。我曾經爭取過戴眼鏡，因為戴咗我有信心啲，但佢話因為 John 哥戴，我又成日同佢有對手戲，所以唔好撞得太犀利喇。」子誠笑言，這個造型讓他最難忘，是拍攝期間曾經有後生女演員笑得勁開心指他很似「薯片先生」（P 字頭薯片品牌），而他事後「檢討」亦覺得真的很像。

龔慈恩現真身影響官家父子權鬥 角色舉足輕重

至於龔姐，網民有感她接連三集均以舊照片形式出現在 John 哥手上，估計必定有番咁上下份量，加上在預告終於現「真身」的她，打扮高貴又樣子嚴肅，足證角色身份舉足輕重。據知龔姐角色對於官家父子權鬥有著極重要影響力，至於背後真相，就要留待進一步劇情。