張智霖鏡頭前一時大意爆粗「咪X叫我」！即時反應嚇到吳卓羲窒晒機 網民揶揄：帶壞晒
無綫台慶劇《璀璨之城》全城熱播，一眾演員亦密密拍片、出席活動為劇集宣傳，近日繼張曦雯（Kelly）突然在鏡頭前爆粗鬧張智霖（Chilam）後，日前 Chilam 與吳卓羲（Ron）拍花絮片段時亦不慎爆粗，演員們接連爆粗令一批網民驚呼「畀吳卓羲帶壞晒」。
張智霖孖吳卓羲拍片都失守爆粗「咪X叫我」
近日 Chilam 就和吳卓羲一同拍攝《璀璨之城》花絮片段，片中兩人模仿《衝上雲霄2》的情節，吳卓羲急步前來並稱呼 Chilam 為「Captain Cool」，Chilam 這時就突然爆粗表示「咪X叫我 Captain Cool！叫我哥哥！」，吳卓羲對Chilam突然爆粗感到錯愕，兩人亦一同爆笑。
雙方嚇窒爆笑遭網民揶揄︰成班都畀人帶壞晒
由於是次兩人在《璀璨之城》中飾演兩兄弟，因此 Chilam 便要求吳卓羲改口叫自己哥哥，在第二次拍攝時Chilam就回復正常指「唔好叫我 Captain Cool，叫我哥哥」，後來更要求吳卓羲用普通話稱呼自己「哥哥」，場面爆笑。
對於《璀璨之城》演員們接連爆粗的情況，不少網民就調侃表示眾人都受到吳卓羲的影響，全部都被 Ron 同化「帶壞晒」，笑言「係咪企喺吳卓羲隔離就會觸法講粗口呢個被動技能」、「個個近住吳卓羲都會講粗言穢語」和「企襯喺佢隔離都會好衝動咁講咗粗口」。
來源︰Threads
港生活人氣娛樂新聞
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
↓【送戲飛🎬】玩遊戲請您睇戲 ↓
U GO 本週好去處
