結業潮｜27年時裝店Lady Story觀塘站店結業！最後五天清貨 2件$120！全盛期擁超過10間分店
香港結業潮蔓延，不少老牌店舖相繼傳出結業消息！近日有港人在網上發帖，指觀塘港鐵站內的連鎖女裝品牌Lady Story貼出清貨告示，寫有「最後五天」、「全場貨品低至$60/件」等字眼，指定貨品更買2件只需$120，吸引大批女士到場掃貨。消息引起網民熱議，有人力撐品牌服飾適合OL，亦有人感嘆多區分店早已結業，「現在執咗好多間」。
觀塘Lady Story貼結業告示 清貨減價低至$60
近日，有港人在Facebook群組「全港店舖執笠結業消息 關注組」發帖，以「觀塘地鐵站執笠」為題，分享連鎖女裝品牌Lady Story的清貨情況，並附上現場照片。
從照片可見，位於觀塘港鐵站的Lady Story店內貼滿黃色清貨告示，當中包括「租約期滿搬遷清貨」、「最後五天」及「全場貨品低至$60/件」等字眼，並推出指定貨品買2件$120的促銷優惠。清貨期間吸引大批顧客到場選購，現場所見有不少中高齡女士在店內挑選衣物，部分顧客更推着行李箱前來掃貨，場面相當熱鬧。
Lady Story曾設約12間分店 主打百元親民女裝
翻查資料，連鎖品牌Lady Story成立於1999年，主打女士日常服飾，全港曾設有約12間分店，主要選址於港鐵站內或鄰近商場，服飾款式以寬鬆、舒適及實用為主，定價約$100至$200，主打親民實惠路線。
網民分享幫襯經歷 大讚長褲好着、斯文衫適合OL
對於Lady Story疑似結業，有網民大感不捨，表示過去十多年一直間中光顧，對其服飾有讚無彈，「幫襯十幾年間中買佢啲衫，佢啲褲幾好着，有啲衫都幾靚，多斯文衫，OL啱。」
網民直言「開咗好多年」 感嘆多區分店早已結業
如今Lady Story觀塘店傳出結業清貨消息，也令部分網民回想起品牌在各區開店的日子，留言感嘆品牌多區分店似乎陸續減少，「現在執咗好多間，長沙灣嗰間年頭已執咗」、「沙田執咗好耐」。另有網民表示，品牌過去在不同港鐵站附近都能見到，如今可能已所剩無幾，慨嘆「呢間都開咗好耐，周圍地鐵站都有，而家可能執得七七八八了」。
網民留言
網民分店結業原因：平都唔會買
除了感嘆老店結業，亦有網民從衣服質素及經營成本分析Lady Story面對的困境。部分留言批評衣物質料欠佳，形容是「淘寶質素」，甚至表示「平都唔會買」；亦有人嫌棄款式不合心水，認為衣服設計未能吸引顧客。另一方面，有網民將問題歸因於舖租成本，直言「租太貴了」，亦有人質疑在港鐵站內經營服裝店的定位是否合適，認為選址未必能帶來足夠生意。
網民留言
來源：Facebook@全港店舖執笠結業消息 關注組
港生活人氣本地熱話
↓【萬聖節限定👻】晒小朋友搞鬼造型！送總值$2,500禮品🎁 ↓
↓【送戲飛🎬】玩遊戲請您睇戲 ↓
U GO 本週好去處
