璀璨之城劇情｜79歲姜大衛主動要求親自碌長命樓梯！監製極力勸阻改由專業替身上陣
TVB 台慶劇《璀璨之城》中，79 歲的姜大衛（John 哥）將反派「官志琛」演得入木三分！昨晚一場被推落樓梯的重頭戲中，John 哥竟主動要求親身上陣滾長命樓梯，嚇得監製極力勸阻！而私底下的他其實是慈祥前輩，拍掌摑戲暗地肉赤，更親自傳授「無痛打人秘訣」！
79 歲姜大衛欲親自上陣滾樓梯 劇組做足護墊榻榻米安全措施
談到這場震撼爆燈的阿仔推老父落樓梯戲，監製透露 John 哥當初看劇本時，曾主動提出想親身上陣，但監製鑑於拍攝現場樓梯又高又多彎位極力阻止。對此，John 哥接受 tvb.com 訪問時親證此事：「睇劇本見到呢場戲確實想過自己做，但 Joe 極力阻止。後來睇到條樓梯，就覺得真係要搵專業替身。」他又笑言拍攝時 Chilam 有錫住他就晒力，而他自己亦有紮穩馬步自保。
觀乎拍攝花絮，雖然張智霖推 John 哥時細細力，現場環境亦十分安全，但為了保障演員安全，劇組還是安排了數層「榻榻米」予 John 哥卸力。雖然 John 哥最終只需躺在地上補受傷後的特寫鏡頭，但劇組仍有貼心為他安排護墊，足見劇組細心及貼心程度。
John 哥私下極慈祥肉赤後輩 堅持真打傳授無痛掌摑秘訣
John 哥在《璀璨》中雖然老奸巨滑、入型入格，但現實生活中，他卻是出名慈祥的好好先生，劇組透露，劇中 John 哥雖然經常要掌摑兒子及女婿，但其實他暗地裏相當肉赤，但為了效果，他每次埋位時都是「長痛不如短痛」按照劇本「手起掌落」，John 哥接受訪問說：「我哋知道點樣摑係最好，用手指打會冇咁痛，因為如果借位拍，成件事就會好假。」
港生活人氣娛樂新聞
↓【萬聖節限定👻】晒小朋友搞鬼造型！送總值$2,500禮品🎁 ↓
↓【😋請您食】人氣餐廳全新餐單 ↓
> 一步登記，免費試食豐富二人餐 <
U GO 本週好去處
