璀璨之城｜張智霖演技被公認「陰濕之霸」 江美儀激讚：呢套係佢第二個十年
TVB 娛樂訪談節目《一周星星》今晚（25日）9 點 40 分翡翠台播出最新一集！熱播台慶劇《璀璨之城》團隊張智霖（Chilam）、高海寧（高 Ling）及江美儀等現身大爆料！Chilam 飾演的「官孝賢」被全場公認為劇中最陰險恐怖角色，江美儀形容他「陰陰濕濕」，更力讚其演技超越「Cool 魔」創下「第二個 10 年」，但要求極高的 Chilam 竟自評唔收貨！
張智霖被公認最陰險恐怖
《璀璨之城》自播出後引來不少關注，特別是 Chilam 飾演的官孝賢奸到出汁搶晒 Fo。講到劇中邊個角色最陰險恐怖，眾人都指向 Chilam，笑指：「你同阿爹（姜大衛）差唔多，不過你陰險啲」、「佢笑住嚟奸」。而飾演他老婆的高 Ling 煞有介事笑言：「我唔敢講啊！驚佢折磨我。」相當搞笑。
江美儀力撐演技再迎十年巔峰
Chilam 罕有挑戰反派角色，今次奸到盡令觀眾刮目相看，美儀姐更形容他「陰陰濕濕好恐怖」，但他竟然唔收貨：「睇返片，我覺得自己太多反應再好啲嘅可以。」要求甚高。美儀姐聽後向 Chilam 派定心丸：「我成日同人講呢套戲一定要睇 Chilam，上次 Cool 魔可以 10 年，呢個係佢第二個 10 年。」對 Chilam 演技給予高度肯定。
相關閱讀：
港生活人氣娛樂新聞
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
↓【送戲飛🎬】玩遊戲請您睇戲 ↓
U GO 本週好去處
