女神配對計劃2|吳兆麟瘋狂呷醋震波狂冧陳若思「我唔係為咗認識其他人」

文: 吳佳雅
2026.10.25

TVB 戀綜《女神配對計劃 2》中,女神陳若思(Amber)的「心跳電話亭」戰況同樣激烈!求愛勇者吳兆麟(Alan)轉走「小學雞搞 Gag」路線,大耍無厘頭「震波」兼直球表達呷醋意圖,雖然遭到花生團梁敏巧笑指太油膩,卻成功逗得 Amber 甜笑連連!

Alan 轉玩小學雞搞 Gag 路線 

至於 Amber 的「心跳電話亭」,則有求愛勇者 Alan、阿朗及阿 Mark 列陣,不過主要戰火集中在 Alan 及阿朗兩大勁敵之間;為了討好感覺「小妹妹」的 Amber,Alan 全程化身「小學雞」,除了啄住阿朗捉字虱,又上演瘋狂呷醋戲碼兼無厘頭「震波」,但亦因如此,反而成功令 Amber「冇咁緊張」,整體氣氛甜蜜又搞笑,值得期待。

在女神撳燈環節憑「真誠溫柔」Tone 贏得女神 Amber 及網民歡心的 Alan,這次轉玩「搞 Gag」路線一樣得。首先,Alan 在拉票時揚言為 Amber 親手做了小禮物,可惜兩次都唔記得帶,相當「另類」!

瘋狂呷醋震波遭梁敏巧嫌油膩

之後,當 Alan 成功獲得入電話亭權利後,閒聊期間發現 Amber 竟與阿朗一起坐車出發前往拍攝場地時,大叫「咁 Close」之餘,還輕聲地追加了一句:「有啲呷醋喎」,結果遭花生團梁敏巧 Maggie 吐槽直指太油膩,相當爆笑。其中有個感動點係,Alan 為咗唔想 Amber 唔開心,佢決定唔接觸其他女神:「我上嚟係為咗認識 Amber,我唔係為咗認識其他人」,好 sweet 呀!

↓U Lifestyle App大派健之堂無火艾灸穴位貼↓

↓一貼即通、告別肌肉僵硬同疲勞↓

↓一貼即通、告別肌肉僵硬同疲勞↓

↓【限時搶⚡】想甜嚐甜純芝麻糊雪糕↓

↓極濃黑芝麻及堅果油脂香氣↓

↓極濃黑芝麻及堅果油脂香氣↓

U GO 好去處推介