三代同糖｜樊亦敏坐「直升機」霸氣回歸登場！戴后冠出動私伙手袋首飾重拾港姐美態
無綫處境劇《愛·回家之三代同糖》今晚（26日）迎來重磅角色「龔喜駕到」！樊亦敏（Amy）以震撼全場的「坐直升機」形式霸氣空降行紅地氈，身穿純白晚裝配戴閃爍后冠！她自爆激減後重現當年參選香港小姐時的少女仙氣，更出動多件私伙名牌服飾，為了完美重現港姐優雅儀態下足苦功！
樊亦敏坐直升機戴后冠行紅地氈 重拾選港姐少女仙氣
為隆重其事，樊亦敏（Amy）會坐「直升機」兼行紅地氈登場，歐瑞偉則一早到場恭迎女方。戴上后冠的 Amy 穿上高貴純白晚裝驚豔全場，在強大氣流下，其超長「水袖」與曳地裙襬隨風揚起，仙氣與氣場同時啟動。至於歐瑞偉化身完美男伴，全程溫柔護航，他小心翼翼地捧着后冠盒，盡顯紳士風度。
出動私伙首飾挑選十頂后冠 挺胸收腹重溫港姐美態
對於悉心打扮登場，Amy 接受官方訪問時，對劇組的安排讚不絕口：「好靚，好多謝劇組畀我一個好靚嘅形象。」為了呈現最完美的視覺效果，單是挑選后冠就花了不少心思，她說：「其實呢個造型都諗咗一陣，梳化服攞咗十頂后冠出嚟，監製亦都親自落嚟揀后冠。而我屋企大隻嗰啲公仔頭上面都有戴后冠，所以我都攞咗嗰啲后冠返嚟睇吓啱唔啱用，最後揀咗呢頂圓形嘅皇冠。」Amy 又稱出動私伙手袋、鞋及飾物，希望營造高貴得來又輕鬆的感覺。
今次重新戴上后冠，不禁讓人聯想起 Amy 當年參選港姐的風采。她笑言確實有回到過去的感覺，更自信地表示：「加上我真係瘦咗，好似回到港姐有啲啲少女味，起碼成個人有少少仙氣嘅感覺。」
她坦言拍攝這場戲最大挑戰，是必須穿高跟鞋在稍微凹凸不平的地面上行走，同時還要保持優美的儀態：「自從港姐之後，我都好耐時間都唔需要咁 elegant 行路，盡量挺胸收腹，好似頭頂住啲嘢咁樣行，同埋啲腳尖要落地，交叉腳直線行，好似 model 咁，諗番港姐嗰陣時老師教我哋嘅嘢。」
港生活人氣娛樂新聞
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
↓【萬聖節驚喜🎃】Home.焙小日子免費DIY蛋糕體驗✨ ↓
U GO 本週好去處
