張與辰長洲掃街狂擦8款大魚蛋！行仔不耐辣飆汗照演 導演未喊Cut顯專業

張與辰蔡景行移師長洲搵食 必食 8 款大魚蛋歎茶食甜品

新一集節目中，張與辰同蔡景行（行仔）這對黃金組合再度出擊，今次他們遠離繁囂都市，移師到長洲搵食。與辰解釋愛到離島的原因，他說：「鍾意嚟長洲係因為香港住耐咗，有時需要放鬆下自己，呢邊有山、有海，成個人步伐係變返慢咗。」與辰放鬆之餘依然不忘搵食，他直言每次到訪必定先食長洲大魚蛋，接住是到 Café 歎茶，最後吃過甜品，才算大功告成。

+2

點擊圖片放大

行仔捨命食辣魚蛋滿面通紅飆汗 導演未喊 Cut 堅持演下去極專業

與辰一抵埗便發揮食家本色，由碼頭旁的小食店開始搵食。他笑言入長洲掃街一定要食大魚蛋，共有 8 款口味可供選擇，包括麻辣、冬蔭功、沙嗲、咖哩、原味、椒鹽、甜燒汁及即炸，以頭兩種最辣。嗜辣的與辰好自然點了該兩款口味的魚蛋，而行仔雖然未能吃辣，亦捨命「與辰同行」。

點擊圖片放大

可憐的行仔已經食到滿面通紅且不停飆汗，仍保持藝人專業，一日導演未喊 Cut 繼續演下去。最後導演終於喊停，為行仔送上紙巾印汗。最抵死是一旁的與辰無意補上的一句「因為我唔覺得辣吖嘛」，令行仔略帶尷尬，整件事亦變得更好笑。接下來二人實行 Chill 一番，幫襯一間山系 Café 店歎茶兼品嚐招牌的髒髒朱古力雞蛋布甸撻。