周柏豪演唱會廣州站連續兩夜爆滿座無虛席 積極籌備2027年入行20周年大型企劃

周柏豪演唱會廣州站連續兩夜爆滿

廣州站早前一連兩天舉行，廣州體育館被一片應援燈海點亮。柏豪一出場即以《12號》拉開序幕，並向全場歌迷問候：「你們坐在這裡，就是我的夢想。」隨後獻唱《同天空》、《最好不過》等大熱金曲，全場歌迷即時大合唱。兩晚歌單亦充滿驚喜，柏豪換上白色西裝帶來新歌《混賬》、《純粹想哭》以及自彈自唱《愛情轉移》粵語版；在Band Sound環節更長達17分鐘連唱《金》、《到此為止》及《只有一事不成全你》等曲目，展現音樂能量。

歌迷熱情記錄青春

舞台之外，場外更設有「綻放花茶車」派發專屬秋日花茶，柏豪更連續兩天閃現現場親自派花茶，並秘密抽空觀看歌迷的ColorWalk應援投稿，將寵粉行動延伸至場外。談及廣州站感受，柏豪表示非常感動：「每今次《綻放之章》再次返嚟廣州，兩晚都玩得非常投入，睇返相片每一個畫面都記錄咗我嘅青春同你哋嘅青春，非常感謝廣州站以及所有去過城市嘅歌迷支持。」

11月7日周柏豪澳門生日限定場秒殺售罄 

澳門站將於11月7日舉行，正好貼近柏豪11月12日的生日，門票一開售即被搶購一空。對於澳門場的特別安排，柏豪透露舞台將有全新設計，說：「澳門站每次都會有啲唔同嘅嘢發生，今次舞台會特別加上延伸台，可以同內場甚至後排嘅朋友更加靠近。流程同內容上亦會同以往有唔同，可以好似悉尼同新加坡站咁，同大家非常貼近，我自己都好期待。」

生日願望求簡單健康

談到今年的生日願望，柏豪直言隨着年紀漸長，願望變得十分實在，說：「人長大咗，每一年嘅生日願望都係希望有多啲時間做自己想做嘅嘢，但最緊要都係自己同身邊嘅人身體健康、開心快樂同順順利利。」至於《The Blooming Chapter 綻放之章》巡迴演唱會的後續規劃，自今年3月從香港出發後，已先後走訪悉尼、新加坡、佛山等地。柏豪預告巡演仲有其他站點，並會一路延續至2027年年初。

積極籌備2027年入行20周年大型企劃

2027年亦是柏豪入行20周年的重要里程碑，他透露目前已在密鑼緊鼓籌備當中，：「2027年係我入行20周年，眨吓眼就20年。2027年我自己會有好多大型計劃同企劃，現時一路都有開會商討，希望藉住生日願望，祝願2027年所有想做嘅嘢都順利完成，可以帶到更多快樂同驚喜俾大家。」