無意中搵到一張塵封既DVD，上面寫住中六惜別會……
文：P's:虐心者
「哇，n年前既野，等我開黎睇下先！唔要就丢左佢lo！」
於是無聊得濟開左部電腦出黎播……我並唔係想回憶D咩，點知……
一開出來，熟悉既旋律再次出現，原來播緊唱天主經，於是我跳過左去，去到自己班果一part，哩個環節通常係遂班相片回顧+講埋D感性野……
「見到la……我個班啊，哈哈。」
開頭睇完一大堆相片之後，到真正睇到台上面完整既一班係度onXX咁唱歌，我開始俾台上傻傻更更既一群中學生感染到。我幾乎已經好快聯想到當時既自己，當時還在學園的時候幾乎是無憂無慮的快樂，視吃渴玩樂為上，身邊有班死黨一齊癲癲下已經可以開心成日，放左學之後就算返兼職，第二日返到學依然會有一個空位留返俾你坐……
那種優悠自在已經永遠都搵唔返，出到黎社會工作之後似乎沒有一處可容身之地，身邊D人洗日轉黎轉去，mary啱啱入職三個月又調左個啊xx入黎，所有既人似乎都唔會有一個會好似有中學咁長時間「六年」黎陪你。
人事經常變遷，冇一段友誼會好似中學咁樣歷久不衰，有時望住依家既自己，會覺得自己好討厭，唔知為左D咩要不停不停返工，搵錢，身邊幾乎連一個真心朋友都冇，
「哈哈……甄sir…………笑死」
望住班主任帶點沈默既反應加上，恍恍惚惚既謝詞，我笑左好幾聲，同學們眼中所流露出的不捨，亦都令到我回想起將近離開校園時的那種不安，但是現在我怕的只是我再也找不回當初，依家既我每日到刻都係度諗
「點樣先可以搵多錢？」
「點樣先可以成功，搵返份好工。」
「幾時可以儲錢買樓，回報屋企人。」
我發現我已經認唔出我依家既自己，我亦都唔明白自己當時既自己，點解可以咁冷靜去面對離開校園，依家望住電腦既我就眼泛淚光，現在的自己看著過去的自己，原來感覺會可以咁唔一樣，
有人話……
「唉，都咁多年lo，仲諗黎做咩，不如你諗下依家可以點樣搵錢仲好！」
儘使我變成點樣都好，我都唔會唔記得過去既自己，因為哩六年對我黎講可以俾到依家既我一個反省，過去既我造就今天的我，透過以前既自己我甚至睇到一樣野……
無論自己變成點樣都好，被社會改變了多少也好
千唔好忘記自己當初係點樣......
同是中學同學的你，還保存著這一張中六惜別會DVD嗎？
若果你已經忘記了自己，便拿出來放在DVD機上播放吧......
本篇圖文獲作者P's:虐心者授權刊登，未經准許，請勿轉載！
P's:虐心者 Facebook：https://www.facebook.com/Lovemerry520/
港生活人氣本地熱話
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
【浪漫旅人祭🌸】登記贏禮品！
↓大派旅遊資助金💰 x 實用旅遊禮品✈️↓
