女團IdG Bubbles出道一年衝出香港開騷！孖神祕歌手 RU 合作 打頭陣大唱經典兒歌

女團IdG Bubbles出道一年衝出香港開騷

對於首次衝出香港的IdG Bubbles來說，當然把握是次機會，7位成員，包括：Cindy、小倬、Anesa、Kathy、Yoyo、夢月、家鑾作出嶄新嘗試，先來集合香港著名的卡通片主題曲，包括：「IQ博士」、「百變小櫻Magic Card」、「十萬個夢想」及「多啦A夢」等集成Medley，帶給現場觀眾無限童年回憶。而另一嶄新嘗試就是現場深情演繹由7位成員以故事及劇場版形式，一口氣以聲音導航說唱長達15分鐘一個又一個少女的愛情故事，其深情演繹令現場觀眾透不過氣。

當問及為何有此構思時，Cindy稱：「由於第一次可以在香港以外的地方表演，所以好想嘗試一些IdG Bubbles從未嘗試過的作品去俾觀眾驚喜，而經典兒歌係我哋好希望做嘅第一步，亦希望可以令聽眾放鬆心情，一齊回到童年時。」

小倬續稱: 「而另一新嘗試就係用流行一時嘅劇場版演繹形式，响我哋獻唱歌曲之前，將一個又一個嘅愛情小故事溶入經典歌曲之中，希望可以用咁嘅方式去令觀眾投入一段又一段的愛情幻想世界。」

孖神祕歌手 RU 合作 打頭陣大唱經典兒歌

當問到有沒有難度之際，眾人異口同聲笑言: 「對我哋來講都有點難度。」年齡最細的Kathy說：「因為我哋7個女仔時常都係好開心地講玩笑，而要好似做舞台劇咁深情講對白，都係第一次，初初排練時好唔習慣，好似有點尷尬咁，但當選好晒演繹歌曲時，就好快投入其中啦。」

被問及完成今次澳門演唱會，有沒有想過想下一站到那裡表演，小倬說：「聽公司講嚟緊會有機會到東南亞或內地演出，而未來2027年也希望可以再去更多更遠嘅地方去宣傳我哋嘅廣東歌。」

而問到今次澳門獻唱有沒有什麼驚喜， YoYo稱：「好開心我哋嘅粉絲除咗買飛嚟澳門支持我哋之外，仲俾咗我哋好大嘅驚喜，就係做咗7個高過我哋嘅人像拉畫去應援我哋，仲有一啲有我哋扮BB嘅大型紙版公仔，一塊好大嘅主題牌匾，唔同嘅應援手幅及專屬物品派俾所有嚟支持我哋嘅現場觀眾，好感動，衷心多謝Bubbles Tea (粉絲名稱)的厚愛。」