美食強人｜名廚齊集極手緊評審尋找最強西多士！李文星簡單一句顯身價 最終結果嚇窒陳豪

名廚齊集極手緊評審尋找最強西多士

眾所周知，西多士屬於甜點，不過其中一間食店出品的甜度，竟惹來兩極評價！「化學系靚廚」鄭紫欣表示食第一啖有驚喜，但食到最後卻感覺太甜；「連續 7 年米芝蓮三星食府主理人」黃隆滔則搞笑和應：「甜係可以嘅，不過呢個係失戀或好唔開心先食嘅！」

+2

點擊圖片放大

點擊圖片放大

不過「唐述營運及廚藝總監」周世韜卻持相反意見：「我覺得好正，個味道依然喺個腦度。」名廚李文星更直言：「食得甜品你就預咗係甜㗎啦，咁如果唔係食甜品嚟做咩呢？我覺得個甜係正常囉。」

李文星簡單一句顯身價 最終結果嚇窒陳豪

一眾食評家除了為食物質素爭論不休，亦對食店規矩各持己見。Jacques Kagi（祈積奇）坦言不滿番禺參與評級食店有太多規則要遵守：「我去食飯，唔想受呢啲隱形壓力。」之後西DorSi、Jacques 及鄧達智就在內地食店用餐，能否攜帶外來飲品進行激辯，有人認為此舉在內地已是不成文文化，但仍有人認為食店阻止合情合理，並非理所當然容許食客這樣做。

點擊圖片放大

另主持龔嘉欣和星級食評家陳山聰的互動亦火花四濺！事緣陳山聰自認「煉奶控」：「每次食麵包都係全煉奶。」龔嘉欣聞言興奮搭嗲：「唧到佢滿晒吖嘛！」陳山聰隨即反駁：「唔係唧㗎以前」、「開罐頭㗎，冇唧裝㗎」、「依家先有唧裝㗎」、「你同我差唔多年紀㗎其實。」

龔嘉欣聽畢急忙否認：「其實我細你一截嘅！」笑翻全場。而做慣主持的黎芷珊，笑言試食時亦不忘「訪問」侍應：「有問平時多唔多人叫呢個呀，發揮我訪談嘅專長。」連試食都忍不住職業病發作，不愧為金牌主持。