鄭希怡重提18年前直播空中飛人「甩褲」走光 嚇到當場爆喊唔敢出街：係咪笑緊我！

鄭希怡重提空中飛人當眾「甩褲」 

鄭希怡當時在節目上意外甩褲，唯一的感受就是一片空白：「我完全唔知發生咩事，但係就覺得有啲嘢發生咗，跟住就跌咗落去下面。」面對直播中途走光一事，Yumiko直言十分尷尬，不想面對在場觀眾：「我唔知點算，我又知直播緊，但係又咁樣樣，我唔係好想起身，我唔知點面對呀當時。」

點擊圖片放大

混亂之下不知所措的Yumiko更當場落淚：「我唔知點算呀，好亂呀，淨係識得喊，當時。當時有喊，直接喊，仲要一見到公司啲同事就即刻喊。」

坦承走光有陰影 不敢外出見人 

Yumiko坦承發生走光事件後，為她帶來重大陰影，甚至一度不敢外出見人：「我其實……我有唔開心，我唔敢出街嗰排，樓下好多狗仔隊。」除了不敢面對記者外，她亦害怕面對路人的目光：「唔知呢，自己可能唔識諗，以前出街見到大家望住你Smile，你覺得打招呼，好Nice。嗰排之後我再出街有時見到其他人，人哋再同樣嘅表情，我會覺得係咪笑緊我。」

點擊圖片放大

好友陪伴走出陰霾 

幸好當時有好友陪伴，令她慢慢放下繃緊的心情：「阿Sa、祖兒佢哋有嚟我屋企，其實佢哋咩都冇講，淨係陪我敷吓mask，陪我嘅啫，身邊有人陪呢個好緊要！冇傾過任何關於呢件事嘅嘢，但係我自己覺得真係爭好遠。」後來她亦想通，認為事件只是一場意外，無須因此怪責自己，徹底走出陰霾。