三代同糖預告｜甄敏芳首拍劇化身俏女僕破格嗲爆！自認麻甩半蹲講對白腳震震收場

破格展現嗲聲嗲氣 狂嗌主人冧暈宅男

今集《三代同糖》講述范特栖（吳兆麟飾）得知女僕 Café 舉行「光棍節大酬賓」，便邀請楊光（侯雋熙飾）齊齊去「試伏」。劇中最大驚喜，必定是首次拍劇的甄敏芳（Jenny）與穎喬（Ziva）挑戰女僕造型。兩人表現極度搶鏡，Jenny 更是突破清純框架，除了頻頻甜叫吳兆麟和侯雋熙做「主人」外，一句「耶！好衰㗎」的撒嬌對白，足以冧暈全港宅男。 

自認性格麻甩 半蹲講對白搞到腳震震

雖然演出入型入格，但 Jenny 接受官方訪問時竟自爆：「其實我本人性格係麻甩啲，唔係可愛型，所以喺劇入面要嗲聲嗲氣講『主人』對我嚟講係有少少難度。」 她更笑言因為全程需要半蹲講對白，最終搞到大髀痠軟：「我成程都腳震震咁，好渣呀，所以之後都要勤力啲操操吓大髀。」

圓兒時夢想 提早四小時起身準備

為了演好首個女僕角色，Jenny 事前做足功課，除了上網狂睇相關片段反覆練習，拍攝當日更提早四小時起床做準備。小時候身處澳門的她，每晚都會和屋企人收睇《愛．回家》，她坦言今次有份參與拍攝絕對是圓了兒時夢想：「估唔到自己有一日可以有份參與拍攝。」