媽樣年華｜周家怡重返母校謝票自爆中學極曳！「無眉娘」畫眉返學被訓導主任斷正

昔日校長送花擁抱 場面溫馨感人

電影《媽樣年華》播放完畢後，周家怡聯同導演胡翠兒一同入場謝票，獲全場師妹及老師熱烈歡呼。當日家怡就讀時的校長亦親自到場支持，並與她深情擁抱，校方又送上花束，以及以家怡早前回母校探訪時的照片製成的燈箱，場面溫馨感人。見到昔日校長及多位已退休的老師到場支持，家怡坦言非常感動。

自認反叛唔黐家 驚覺父母老去籲珍惜

謝票期間，家怡特別勉勵在場師妹珍惜與家人相處的時間，鼓勵大家即使只是簡單地傳送訊息給父母，也是一份心意。她自爆：「我以前好曳，成日鍾意躝街，又唔黐家，有一日我返到屋企見到我阿爸阿媽突然間覺得好似『嘩！點解佢哋好似老咗好多咁嘅。咦！係喎，其實我哋人係有限期個喎。』」她續說：「你哋如果咁細個就可以有呢一個諗法，咁你哋就有好多時間可以珍惜同屋企人相處嘅時間，係好正嘅。」她指即使未必即時說出口，只要心裏記住這份想法，亦同樣珍貴。

+2

點擊圖片放大

畫眉返學被斷正 訓導主任心軟放水

當日，家怡讀書時的班主任亦有捧場。事後家怡分享當年與班主任的一件難忘事，笑言對方身兼訓導主任，表面嚴肅實質心軟：「因為嗰陣時我冇乜眉毛，我就畫眉返學，班主任見到我，都有嚟話我，佢話：『其實唔可以咁樣畫眉返學㗎喎。』我就同佢講：『唔畫好恐怖㗎喎！』哈哈。」

+2

點擊圖片放大

她指班主任最終好好跟她商量：「佢話畫還畫，唔好咁深色。佢講嘅時候好似好嚴肅咁，但其實我覺得佢心裏面係好錫學生，好得意，我覺得佢要特登去裝一個好似好惡嘅模樣，但其實佢個內心都係好可以商量同埋可以同學生溝通嘅老師。」

+2

點擊圖片放大

感慨做學生最幸福 寄語師妹好好享受

這次重返校園謝票，家怡笑言最大得着是「好想返番去讀書，好想由頭讀一次」！她感觸表示：「而家睇番轉頭覺得讀書嘅年代其實真係好開心，可以無憂無慮咁樣為自己而轉。但係細個唔識得咁諗，覺得好似個個都要讀㗎啦。但而家大個咗諗番轉頭，就覺得可以無憂無慮咁為自己讀書，其實係一件好幸福嘅事。」她寄語所有師妹好好享受校園生活，希望大家都能懂得這樣想。