美食強人｜雞湯拉麵大對決呢碗收獲滿分？Bob 自封「麵王」豪言一啖食一碗︰日本都冇咁好味
TVB飲食節目《美食強人》今明兩晚（4及5日）殺入「雞湯拉麵」戰場！星級食評家林盛斌（Bob）、杜如風及張與辰輪流發功點評中港四間長龍店。其中一間位於西環的「完全預約制」拉麵店引發激烈爭議，杜如風驚爆光顧當日全場竟得她一枱客，Bob 即場寸爆這是「飢餓營銷」；另一邊廂，一間隱世拉麵小店竟獲米芝蓮三星總廚黃隆滔及多位名廚一致畀滿分，連日本料理達人 Kei San 都激讚：「香港拉麵可能好味過日本！」
杜如風揭預約制拉麵店真相 Bob 妙論市場學
今次挑戰 GBA 評級的四間拉麵店，分別位於屯門、西環及深圳，價錢由90港元至約150港元不等。其中位於西環的「完全預約制法式清湯拉麵」不設 Walk-in，要求食客在周日晚上十時開始預約下周的座位，營造出極難訂位的錯覺。不過杜如風卻踢爆，她光顧當日整間餐廳竟然只有她一枱食客！
對此，自封「麵王」的 Bob 幽默地以「金牌司儀市場學」拆局：「即係你好想搵我做司儀，就算你同我講下星期五我得閒，都會話我有嘢做、撞咗！」 嘲諷其「飢餓營銷」手法。不過張與辰就覺得這招是「冧女必殺技」：「預約好似高級咗好多，女朋友會好開心。」
隱世小店奪最高評級 米芝蓮三星總廚畀滿分
節目最大高潮，是其中一間食店奪得最高 GBA 評級，更獲多位名廚一致給予滿分！「連續7年米芝蓮三星食府主理人」黃隆滔給出極高評價：「呢個麵我食咗兩次，雞就滑、湯就濃、麵就爽，呢個真係黃金組合。一間小店做到咁有心，呢個要畀滿分！」 同樣畀滿分的名廚蔡俊輝亦大讚其「68度雞胸 Perfect Match 嗰個湯」。
日本達人 Kei San 激讚：香港拉麵隨時贏日本
除了香港名廚力撐，這碗拉麵連「拉麵達人」陳方藤（Meter）都大讚充滿誠意，其厚切雞胸肉極速加分。節目更請來日本料理達人 Kei San 品評，他試食後給予極高評價，甚至豪言：「依家香港拉麵嘅水準，可能日本都冇咁好味。」 杜如風亦補充該小店的「燒雞翼都好驚喜」，誓必掀起全港拉麵迷的排隊熱潮！
港生活人氣娛樂新聞
↓【萬聖節限定👻】晒小朋友搞鬼造型！送總值$2,500禮品🎁 ↓
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
U GO 本週好去處
