試真D唷｜珍珠奶茶鍋燒意麵遭全場嫌棄！GM獨撐：「冇問題喎，我唔會唔食」
TVB 人氣綜藝《試真D唷》今晚（8日）播出最新一集！主持江美儀、朱敏瀚（朱仔）、吳業坤、曾展望（GM）及張振朗衝出香港登陸台北「試真D」，一行人挑戰驚人創新料理鍋燒意麵！面對「珍珠奶茶鍋燒意麵」及「珍珠月亮湯餃」，全場主持嚇到臉如死灰極度抗拒，唯獨曾展望勇者無懼淡定獨撐「我唔會唔食」，更現場有板有眼逐一分析！
全場臉如死灰 GM 獨撐「珍珠奶茶鍋燒意麵」
在三個「試真D」行動中，以挑戰創新料理鍋燒意麵最為過癮。振朗、朱仔及 GM 各自手抽盲盒球，鍋燒意麵湯底包括「檸檬愛玉」、「木瓜牛奶」及「珍珠奶茶」，其中朱仔抽中「木瓜牛奶」，眾人即聯想其壯碩好身材，美儀姐忍不住笑說：「好啱你」、「特登畀你落去？」，場面搞笑。
面對「珍珠奶茶鍋燒意麵」和「珍珠月亮湯餃」登場，其他人你眼望我眼，未食單係聽個名已完全零興趣，不約而同擺出嫌棄樣，簡直可以話「臉如死灰」來形容。唯獨 GM 卻淡定自如：「冇問題喎，我唔會唔食。」其他人即擺出觀眾視覺等睇好戲。GM 品嘗完後更有板有眼作出分析！
此外，美儀姐、振朗、GM、坤哥更先去到台北素食店清清腸胃，直言素食有另一番風味，為隨後的高能創新料理大挑戰做好準備。
港生活人氣娛樂新聞
↓【請您玩】北角匯「美食拼豆樂工作坊」！加送商場購物禮券！↓
邊食、邊玩、邊打卡～～
↓【大派室內遊樂場代幣卡200張】↓
＞得獎機會極高～立即參加＜
U GO 本週好去處
