吳岱融鍾淑慧定情真相曝光！拍人鬼狐被認真樣嚇親 回味舊照夫妻同框甜蜜爆燈

獨家考古重溫昔日片段 Lily 偷睇演戲被認真樣嚇親

「獨家考古」環節重溫《1987環球小姐香港區選拔賽》、《K-100》（1990年）、《人·鬼·狐》（1991年）、《城市追擊》（1995年）等片段。其中講到定情之作《人·鬼·狐》，Lily 坦言拍攝前兩人並不認識的，對岱融哥初印象非常深刻：「佢真係超認真，當時我都驚驚哋，我有時會偷偷睇佢演（拍戲），我到而家都好印象深刻。」

至於岱融哥對 Lily 初印象，他甜笑表示：「佢好真，恰得嚟幾可愛。」

叫食發泡膠粒證真心？ 夫妻各執一詞爆笑連場

談到當年定情經過，岱融哥憶述：「等埋位嗰陣時反光板甩咗啲發泡膠粒喺地下，我話你係咪鍾意我？可唔可以為我食咗佢（發泡膠粒）？佢真係食咗落去。」

Lily 聽後即場踢爆：「佢唔係咁問我。」兩人各執一詞，場面搞笑。