女神配對計劃2｜陳星妤陳若思當眾抱抱粉碎不和！直播公開道歉認大意疏忽要反省

當眾擁抱粉碎不和！陳星妤當面致歉承諾反省

陳星妤 Yvette 與陳若思 Amber，在直播室應阿Bob 要求當眾抱抱、以行動粉碎不和傳聞。Yvette 亦再次為自己玩水上遊戲時過份投入致歉及反思：「我真係冇心整到 Amber，但亦真係有啲位係大意咗同疏忽咗」、「我聽取咗大家聲音後，知道有好多嘢要反思、有時投入之餘都有好多嘢要顧及」、「我把關力度同方式係錯，下次要做番更好如果再有類似情況。」

阿Bob 第一目擊者力證無惡意 點名大讚陳星妤表現堅強

就此，身為資深水上遊戲主持的阿Bob，坦言拍攝遊戲節目確實容易手腳當災，他自己亦有無數受傷經驗：「因為始終有拉扯，其實啲男仔都有扭親同撞到個頭」、「我拍咗咁多節目，我淨係自己個人受傷（都多），嘴角呀、鼻呀都有流過血...以前玩超級無敵呼拉圈，每次玩完我定對手都一定見紅或者撞瘀」、「同埋第一組出嚟，其實當時大家都未知道點樣就力」，並以第一目擊者身份，保證現場絕對沒有任何蓄意的惡意：「我覺得兩個都做得非常好！」

又大讚 Yvette 作為隱藏女神表現很好：「突然之間殺出嚟，到底應該咩 Approach？唔盡力去表現，根本冇意義，到盡力表現，又會畀人話『係咪發姣呀』、『使唔使咁進取呀』，都真係好難。你（指 Yvette）面對呢兩、三個禮拜嘅輿論，我覺得你表現好大方，回應做得非常好，Yvette 我覺得你好堅，我哋為佢鼓掌！」Manho 亦直指隱藏女神十分難拿捏定位：「超怡都係（難），非常感謝佢哋。」