三代同糖預告｜何依婷化身「圓妃」古裝色誘Terry！李偉健瘋狂FF自爆真身爛Gag

何依婷化身圓妃 上演古裝色誘小春子

今晚劇情的另一大爆笑焦點，絕對落在 Terry 與何依婷的「古裝 FF 誘惑」上。兩人齊齊穿上古裝化身「小春子」和「圓妃」，何依婷更會放下女神形象，上演一幕圓妃搞笑色誘小春子、主動摸手仔的戲碼，畫面極度衝擊眼球。同場的容天佑亦會穿上古裝化身王爺，齊齊大放笑彈。 

Terry大玩FF 爆笑大嗌：娘娘屬於我

面對這場色誘戲碼，Terry 在現實與幻想之間不斷穿梭，更會有意無意地發狂大嗌：「圓嬤嬤係屬於我㗎」、「圓妃娘娘係屬於我小春子嘅」，佔有慾極強兼瘋狂宣示主權，惹笑程度爆燈！

點擊圖片放大

李偉健自爆真面目 認係爛Gag王講嘢極快

對於 Terry 角色突然變得 Man 爆霸氣，李偉健接受官方訪問時謙虛表示，只是順應劇情發展及劇本要求去做。被問到現實中對着老婆會否特別 Man 時，李偉健笑言現實中的自己其實比劇中更跳脫，更自揭令人意想不到的真面目：「現實中嘅我講爛 Gag 嘅次數，可能仲多過喺劇集，說話可能比劇集嘅語速更加快。劇集因為始終唔可以太快，要畀觀眾聽到我哋講嘅嘢。」大爆自己其實是「爛 Gag 王」，展現與戲內截然不同的搞笑魅力。