玫瑰戰爭花絮｜傅嘉莉公報私仇連摑陳自瑤十幾廿巴 幕後片段曝光真打到面腫！
無綫台慶劇《玫瑰戰爭》昨晚（12日）播出第四集，劇情進入白熱化階段！傅嘉莉（Kelly）飾演的「菲雅」因妒忌陳自瑤（Yoyo）飾演的「子盈」與馬國明蜜運，竟藉拍攝戲中戲公報私仇，連環喪摑Yoyo十幾廿巴，及後更演變成Yoyo反摑兼被扯頭髮的惡鬥場面！由於兩人「巴巴真打」打到啪啪聲，Yoyo面頰更被打至紅腫，連總監製鍾澍佳（佳導）睇片時都一度誤會二人戲外有私怨！
Yoyo面頰紅腫非化妝 親解要求真打原因：最緊要真實
昨晚一集，傅嘉莉在戲中戲借勢反覆狂摑陳自瑤，人前卻扮無辜，令網民看得咬牙切齒，更搞笑賜封被打至啪啪聲的Yoyo為「兜巴瑤」。Yoyo受訪時親認「每一巴都是真打」，前後被摑了十多巴掌，面上紅腫亦全是真傷而非化妝效果：「因為想有真實嘅感覺，借位會變咗好假，所以我非常同意真打。拍之前我仲同Kelly講『你唔使驚，你狠狠地摑落嚟啦！』」
傅嘉莉剪短指甲免整傷對手 佳導誤會二人不和唔敢問
至於負責動手的傅嘉莉坦言拍攝前壓力極大，特別剪短指甲及除下所有首飾，並在遠鏡借位、特寫鏡頭才奉行「寧願硬食一次都唔好打幾次」的原則真打，事後更心痛對手並感激Yoyo信任。由於兩人演出過於狠辣逼真，總監製佳導笑言一度誤以為二人戲外不和：「初初睇片，以為陳自瑤同傅嘉莉真係唔啱、或者有咩私怨，因為吓吓都打到好真，但又唔敢問佢哋。後尾睇番花絮見到佢哋笑晒口先知呃晒！」
港生活人氣娛樂新聞
↓【請您入場睇《飢餓遊戲前傳：黎明反擊》優先場🎥↓
↓【Chill賞芝麻祭🎁】送您驚喜黑芝麻獎賞✨↓
↓ 一連5星期！約定您一齊捕捉限時搶‼️↓
U GO 本週好去處
