女神配對計劃2｜Mark感性剖白愛情陰影！親揭玩玩吓背後超洋蔥真相望下次遇見結婚對象

文: 吳佳雅

10分鐘前

TVB《女神配對計劃 2》第 11 集移師海洋館「玻璃水世界」浪漫過夜，陳若思（Amber）與何沛珈（Roxanne）激罕以全素顏「小雲眼鏡 Look」示人！被淘汰的吳俊峰（Mark）與 Amber 保留單對單「觀星車約會」，Mark 連環發放情深眼神殺，更親揭在節目「顧住玩」背後曾與前度委屈嗌交的超洋蔥愛情陰影！

Mark 觀星車約會放情深眼神殺親解玩玩吓背後超洋蔥真相

上一集，表現漸入佳境、但發力太遲的阿 Mark 飲恨被淘汰，但節目組依然保留了他與 Amber 的單對單「觀星車約會」環節！根據今日官方發布率先睇，Amber 與 Mark 寫意地攤坐在車中觀星，Amber 還大方地打出「腳板仔」Cutie 又率性；至於曾被吐槽「零戀綜」Feel 的 Mark，將在車上向 Amber 連環發放「愛的眼神」，望落既深情又深邃，包保《女神》忠粉睇完節目尖叫無限！

與前度遷就委屈成日嗌交！Mark感性剖白愛情陰影

在如此浪漫又輕鬆的氛圍下，Amber 與 Mark 將打開天窗說亮話，原來 Amber 在第一輪投選時收到三個心動吊墜的她，曾懷疑阿 Mark 就是第三個對自己有意思的人，所以曾想過透過「心跳電話亭」進一步了解，可惜最後因 Mark「出動次數」太多打退堂鼓。二人不約而同感嘆大家永遠只差「一點點」，到底係咩「一點點」呢，就要留意節目。

點擊圖片放大

Mark 順勢向 Amber 說出自己的「愛情陰影」，並親揭予人感覺在《女神 2》中顧住玩多過專心追女仔的背後真相：「其實我覺得自己唔係好適合拍拖，我希望下一次嗰個人係我結婚嘅對象」、「我真係好希望 Meet 到一個完全可以好舒服傾偈，唔會再嗌交嘅一個人」、「我同我 Ex 成日嗌交，我哋嘗試去磨合，當我去遷就佢就我委屈，我委屈完我講，講完嗌交，之後到佢遷就我，到佢委屈。」感性地道出了不少「愛情中人」的煩惱，內容極度觸動人心。