女神配對計劃2|四角關係大洗牌!Oscar主動約會何沛珈冧爆 打打鬧鬧極似情侶未一齊前曖昧

文: 吳佳雅
23分鐘前

TVB《女神配對計劃 2》迎來四角關係大洗牌,方智弘(Oscar)一改被動性格主動邀約何沛珈(Roxanne)單獨玩一日,更直認心已偏向女方!兩人以「四眼素顏 Look」曖昧互窒,獲網民激讚打打鬧鬧極有 CP 感,甚至比平時化妝更好看!

OR CP 四眼素顏 Look 獲讚「好睇過平時化妝」 攤出三大心動 Moment

今集焦點,絕對是 Roxanne、Kanis、Oscar 及 Zico 的四角關係。先說 Roxanne 和 Oscar,還未入夜已以「四眼素顏」Look 相對的二人,連對話也是無遮無掩,Oscar 如實攤出對 Roxanne 的三大心動 Moment,分別是「電話亭」、「水上滑梯爆喊事件」及「失驚無神食蘋果」,從而得出大家相處舒服、Roxanne 擁有有趣及率真靈魂,全是自己覺得有趣的特質:「畀著其他人,可能覺得佢好奇怪,但老實講對我係覺得幾好笑,幾開心。」三件事令 Oscar 最難忘的,竟是 Roxanne 滑梯爆喊事件:「好深刻真係,因為我覺得拍緊嘢架,咁多人喺度…」對於 Oscar 睇法,Roxanne 事後坦言「估你唔到」:「原來佢同我都幾奇怪。」

Oscar 一改怕醜主動邀約 Roxanne 網民激讚打打鬧鬧好有 CP 感

另外,Oscar 還一改被動怕醜性格,主動邀請 Roxanne 約會:「節目組話可以畀我邀請女神約會一日,我喺呢度誠意邀請你一齊去玩一日,想了解多啲,咁你點睇呢單嘢?」冧爆的 Roxanne 即爽快答應:「去呀,去呀,去吖!」不過由於二人均有點無聊愛玩,最終單是到時玩唔玩機動遊戲都拉鋸一番,一個踩人細膽,一個又堅稱自己好 Tough,「槍來劍往」夾到冇朋友,Oscar 事後首次主動表示心儀女神已有方向:「其實由我同 Roxanne 過夜嗰吓開始,我個心就偏向佢喇已經。」

由於 Oscar Roxanne 相處輕鬆、舒服又搞笑,不少網民都支持二人進一步了解:「好好呀,感覺到佢哋相處好舒服」、「佢哋幾夾」、「佢哋相處好自然,唔造作」、「極似情侶未一齊之前嘅曖昧互窒」、「Oscar 終於放鬆到」、「兩個都有嗰句講嗰句」、「鍾意佢哋會寸」、「真係有粉紅泡泡喎」、「其實何小姐講嘢幾搞笑吖」、「佢哋真係輕鬆自在喎」、「呢啲先係年輕人嘅拍拖模式,咁樣先好玩」、「打打鬧鬧好有 CP 感」、「覺得佢哋好啱 Key」;還有網民指素顏的二人好睇過「平時化妝個樣」,相信兩位主角知道一定好開心。

↓ U Lifestyle App賞您置富Malls x TETEUM「熊」抱暖冬不見不傘 ↓

↓ 傘面鋪滿畫風治癒的韓國人氣IP ↓

↓ 傘面鋪滿畫風治癒的韓國人氣IP ↓

↓【限時搶⚡】暖心芝作HK$20現金券↓

↓品嚐黑芝麻香醇濃郁滋味、多款產品任你揀↓

↓品嚐黑芝麻香醇濃郁滋味、多款產品任你揀↓

U GO 好去處推介