《一周星星》新一集邀來兩位國寶級前輩胡楓(修哥)與羅蘭姐擔任嘉賓,接受主持區永權專訪。在「獨家考古」環節中,節目重溫多部經典作品片段;羅蘭姐大爆當年飾演《神鵰俠侶》經典角色「裘千尺」時,駭人造型竟遭母親嫌棄「唔想睇」,而修哥 60 歲時在《歡樂今宵》大做仰臥起坐(Sit Up)的驚人畫面亦首度曝光,寶刀未老完全不輸年輕人!
60歲做 Sit Up 唔輸年輕人 羅蘭爆裘千尺造型遭媽媽嫌棄
「獨家考古」環節重溫《他來自江湖》(1989年)、《歡樂今宵》(1992年)、《K-100》(1994年)、《神鵰俠侶》(1994年)、《妳不是她》(2023年)等片段。其中羅蘭姐在《神鵰俠侶》的裘千尺造型夠晒經典,她自爆當初遭到媽媽嫌棄:「阿媽話『睇到你呢個樣,我就唔想睇,成個 TVB 咁大,冇人肯做,係你至做咋,傻嘅你!』」不過羅蘭姐就話自己很喜歡這個角色。
另一邊廂,講到《歡樂今宵》年代,修哥當年 60 歲做仰臥起坐(Sit Up)畫面曝光,完全不輸年輕人,他謙虛表示:「可能平時多行路、多做運動,所以有咁嘅效果。」二人又談到演戲方面的學習對象,修哥表示會看粵語片和西片及觀察別人演戲來學習,羅蘭姐則憶述前輩梅綺演戲的專業態度,令她印象深刻。






