今晚(16日)首播的 TVB《跟風旅行團》中,「最強購物者」杜如風(Helen)殺入首爾三層樓高平價飾品天堂,完全唔睇價錢掃貨個半鐘買滿成籃,埋單竟然只需千零蚊!她更為朝聖人氣 Bagel 店排足粒半鐘,豪氣請全體幕後任食盡顯闊佬本色!
「平價飾品天堂」瘋狂掃貨購物慾爆發 買滿成籃埋單只需千零蚊
節目其中一個精彩位,是 Helen 來到「平價飾品天堂」瘋狂掃貨。店舖一共有三層樓、3 萬種款式,包括耳環、髮圈、鞋、手袋等應有盡有。
Helen 即化身「最強購物者」,完全不看價錢:「啱晒我」、「好抵喎」、「似我啲嘢喎」,購物籃幾乎裝滿晒,戰利品超豐富。她行了 1 個半鐘,卻感覺:「好似行咗半個鐘」,購物欲大爆發,最終買到成手都只係千零蚊埋單!
排足粒半鐘朝聖人氣 Bagel 店 豪氣請幕後任食盡顯闊佬本色
另值得留意的是,Helen 直擊「超人氣 Bagel 店」及「人生必食燒肉」。為了試食人氣 Bagel,Helen 排足個半鐘隊,並先後品嘗「芝士蜜糖貝果」、「香蔥忌廉芝士貝果」及「蘑菇松露濃湯」,並對「蘑菇松露濃湯」讚不絕口。
Helen 更親自餵幕後工作人員飲湯,並豪氣請大家食 Bagel:「你哋大家一人揀一個,我請。」盡顯「闊佬」本色。她更當場撩燒肉店工作人員,大講韓文:「超鍾意」、「我嘅最愛」,場面搞笑。
















