容祖兒演唱會2027|容祖兒啟德五場全爆滿 加開兩場30分鐘再售罄!親自搶飛失敗:原來真係咁難搶

文: 吳佳雅
8小時前

容祖兒(Joey)《AURA 容祖兒演唱會》今日(18日)加開兩場開售僅 30 分鐘再度火速售罄,啟德五場全數爆滿!身在南京的祖兒早上親自落場上網搶自己門票竟然全軍覆沒,驚呼「冇諗過原來真係咁難」,同事更送上大閘蟹早餐取「蟹蟹」諧音謝票!

加開兩場 30 分鐘火速售罄 親自落場搶飛全軍覆沒

容祖兒(Joey)啟德演唱會熱潮停不了!由英皇娛樂主辦的《保誠保險呈獻 AURA 容祖兒演唱會》,早前三場門票開售後半小時火速售罄,大會隨即宣布加開 2027 年 1 月 19 及 24 日兩場。新增兩場今日(18日)中午 12 時公開發售,結果再度於 30 分鐘內全部售罄!五場啟德演唱會一票難求!

目前身在南京工作的祖兒,收到再度爆滿的喜訊,既開心又感動。今日早餐,同事叫了滿檯大閘蟹,笑言好意頭,為她準備借「蟹蟹」諧音多謝大家支持!祖兒表示:「真係好多謝大家嘅支持,有呢個成績真係好開心。但無論做幾多場,我哋嘅準備都係一樣咁重要,希望可以做一場好 show 畀大家睇!」

五場演唱會先後售罄,網上卻仍有大量歌迷留言大呻搶不到飛。祖兒今早決定親自落場,與工作人員一齊嘗試上網搶飛,結果全軍覆沒!祖兒:「知道難搶,但冇諗過原來真係咁難!」五場全部爆滿,會否再有加場機會?祖兒坦言,暫時不會將心思放在加場問題上:「睇公司決定同大家嘅反應、feedback 再研究啦。我覺得而家要做好嘅嘢,都唔係諗加唔加場,呢個比較被動。我要繼續砌好個 rundown,踏實啲諗好啲內容。」

 

 

↓U Lifestyle App大派健之堂無火艾灸穴位貼↓

↓一貼即通、告別肌肉僵硬同疲勞↓

↓一貼即通、告別肌肉僵硬同疲勞↓

↓【限時搶⚡】想甜嚐甜純芝麻糊雪糕↓

↓極濃黑芝麻及堅果油脂香氣↓

↓極濃黑芝麻及堅果油脂香氣↓

U GO 好去處推介