跟風旅行團|杜如風500港元試坐小型飛機克服畏高! 扭軚俯衝飛行體驗花款多多物超所值

文: 吳佳雅
38分鐘前

TVB 旅遊節目《跟風旅行團》昨日(17日)播出,杜如風(Helen)挑戰僅 500 港元的「小型飛機河」,畏高的她起飛前驚青致電媽媽講定遺言,上天後卻笑到似小朋友!她更親揭今次拍攝買到唔停手,戰利品埋單高達六位數!

HK$500 飛行體驗花款多多物超所值 

今集焦點之一,是 Helen 走訪小型飛機飛行學院,體驗價錢僅 500 港元的「小型飛機河」,仲要全程有專業駕駛員「傍住」極安全,既可以隨意拍片、又可以在專業駕駛員指導下體驗扭軚及俯衝等動作,安全又好玩,500 蚊港幣做到咁多嘢實在抵到爛。

杜如風克服畏高衝上雲霄

不過由於 Helen 本身有畏高,初時她表現相當抗拒,不斷三心兩意、彈出彈入,質疑體驗過程的事前準備功夫太「兒戲」之餘,還搞笑到要致電媽媽講遺言:「我銀行儲低啲錢,你同我使晒佢就得啦!」經過 N 個回合拉鋸,Helen 終於衝破心理關口衝上雲霄,全程恍如孩子般笑容燦爛之餘又不停影相拍片,與臨上機前的驚青樣成極大對比。

集集買到唔停手 杜如風親揭《跟風》驚人購物戰績埋單六位數

若細心留意節目,不難發現 Helen 不但經常萬歲、與 Crew 同樂,又經常去到邊買到邊,無論是數十港元或是 3,000 多港元的帽子,都絕不手軟,一嘢掃落購物籃。問 Helen 是次拍攝《跟風》有否破財,她笑言粗略估計買了六位數戰利品:「今次買咗好多嘢,褲都買咗 8 條,香水買咗好多支,韓國走唔甩買護膚品,加加埋埋六位數字左右啦。」

 

↓【🕺參加舞蹈挑戰💃】贏總值 $18,000禮品🎁↓


↓【限時搶⚡】想甜嚐甜純芝麻糊雪糕↓

↓極濃黑芝麻及堅果油脂香氣↓

↓極濃黑芝麻及堅果油脂香氣↓

U GO 好去處推介