女神配對計劃2|Oscar驚爆零追女經驗超怕醜!手拖手捉實何沛珈暖心舉動冧爆女神

文: 羅志宏
55分鐘前

自己驚到震依然死撐護花真係好加分!今晚(22日)8 點 35 分翡翠台《女神配對計劃 2》第十二集,方智弘(Oscar)同何沛珈(Roxanne)繼「蘋果之夜」後單對單約會,兩個愛鬥氣嘅冤家竟然挑戰超刺激「小丑過山車」!上車前 Roxanne 口硬話自己經歷過水上瀡滑梯後冇嘢好驚,點知被 Oscar 零秒寸爆「上次你係唔應該驚架,然後喊咗咯」!點知未開車 Roxanne 已經連嗌兩次好驚...

連串暖心舉動融化 Roxanne 零追女經驗怕醜仔變細心暖男

為了安撫 Roxanne,Oscar 全程做到足,除出發前著 Roxanne「唔使驚,有我喺度」外,當見到 Roxanne 一上車已嚇到花容失色兼連環尖叫,即伸出手讓 Roxanne 捉實;之後縱然自己都驚到狂嗌,仍盡全力關注 Roxanne,不時望向女方之餘,中途見 Roxanne 嚇到「聲都冇埋」。

當一度在車速減慢時,Oscar 亦爭取時間慰問及嘗試幫助 Roxanne:「我 keep 住同你對話會唔會好啲?」、「你闔埋眼先,好快(完)」、「你唔 ok?」、「有冇唔舒服」,又出手拍打 Roxanne 大髀及膊頭予以安慰。

Oscar 的細心溫柔,令坐車時嚇到「失聲」兼面都青埋的 Roxanne,事後坦言感到溫暖:「我覺得佢關注點喺我身上,而唔係淨係自己 enjoy,我覺得 warm 嘅。」而向節目組透露自己零追女仔經驗的 Oscar,整個約會除盡顯細心暖男面,又不時主動探問 Roxanne 喜好,與 Roxanne 傾偈期間又表現得用心聆聽,與之前的「怕醜仔」形象成強烈反差。

《U GO》X JPS Gallery X Signholic 送Marvel 角色親筆簽名相!

贏取夜魔俠/雷霆特攻隊角色珍藏親簽🦸‍♂️

贏取夜魔俠/雷霆特攻隊角色珍藏親簽🦸‍♂️

↓【限時搶⚡】蘇三甜蜜黑芝麻芒果冰蘇↓

↓果香撞芝麻香↓

↓果香撞芝麻香↓

U GO 好去處推介