去旅行？我剩係識去長洲

文：P's:虐心者

 

一條友onXX又孤身寡人，又冇女朋友，又冇錢，我係一個典型既香港打工仔，廿歲左右，平時收左工剩係識得打機，除左返工之外完全唔會離開個屋企，最遠都只會去到屋企樓下間茶記食個男人的浪漫，偶然食個M記，每一餐基乎都係出街食，如果你問我呢個毒家村去旅行會去邊。

我只可以答你：「sorry，我最遠剩係識去長洲。」

A問道：「嗯……咁你有冇咩其他地方係想去既。」

「南丫島，梅窩，挪亞方舟，我都想去。」

「……，……」

真係唔好意思，只可以話我真係大鄉里出城，事關我完全唔想整護照，訂機票，搵旅行社。最遠黎講我剩係識去長洲，食個特大魚蛋，芒果糯米糍，踩下單車，然後住番個兩日一夜既渡假屋，對我黎講已經算係去左一次旅行。你要知道，我平時最遠都只係去到屋企樓下間茶記，今次要搭船離島，仲要撘地鐵要轉站，仲唔係去旅行係去咩啊。

「台灣！日本！韓國！夏威夷！巴黎！」

我仲未講出我心裡面一大堆肺腑之言，辛酸毒在家中不出門之史，圍坐係我隔離既朋友己經將去長洲哩個話題撤除，轉到佢他彼此認同既旅行熱門勝地，然之後一輪嘴係度講個唔停。
冇錯！佢地直頭已經可以成為高上…旅行專家，憑住佢地朋友再朋友再朋友既出國旅行經歷，選購旅行社的竅門，就住去旅行哩個topic至少可以講三個鐘頭。

我真係一個名一副其實既毒燃，我只係可以坐係佢地中間，一路聽住佢地講台妹有幾正，夏威夷有幾多個比堅尼索女，一路諗住下次去南丫島定梅窩好。

 

本篇圖文獲作者P's:虐心者授權刊登，未經准許，請勿轉載！

P's:虐心者 Facebook：https://www.facebook.com/Lovemerry520/ 

 

作者的其他文章：

>> 無意中搵到一張塵封既DVD，上面寫住中六惜別會…… 

>> 中學曾經的一種密友