有人話過，揀男友一定要揀個識影相的，這樣妳平日和他出街或者去旅行都可以有人為你「拍寫真」，令你無時無刻都做「公主」，不過有男友太識影相，或者用太好的影相設備原來都係一個問題！
有女網民話早前同男友去旅行，男友出發前特地買一部靚單反相機，準備一齊影靚相，旅行期間，男友非常識做，全程龍友上身，為女網民多角度影寫真，本來都氹得女友幾高興。
可惜返到香港一睇相就出事，女網民發現男友技術和相機質素都太高，拍出來的不是靚靚寫真，竟然變成「高清照妖鏡」，女網民說化了妝都依然清楚見到自己的眼紋、黑眼圈等，實在非常煞風景，她坦言男友部新相機影相真係好靚，可惜是影風景靚，而不是自己，令女網民大感無奈。
究竟揀個識影相的男友係咪真係好啲呢？有其他網民都好「同情」女網民的遭遇，而且給予她「良心」建議，留言其實用軟件執相就咩事都無。照咁睇，女生與其搵個識影相的男友，可能搵個識「執相」的男友就更穩陣！
來源：香港討論區
其他精彩熬話：
」，
App內睇文同睇片可隨時捕捉U Fun彩蛋，
換領現金券及禮品！
↓【聖誕送您🎅】 Gourami 時尚運動套裝連HKD 100 現金券↓
↓新一季主打簡約精緻設計短款背心🧘時尚又實用 ↓
【免費送💝】ghd限量冰藍美髮造型夾✨
↓一機兩用 雙效熱風造型！↓
