藝人黃翠如的父親黃永華的建築公司近日在港交所掛牌上市,短短兩日翠如BB就榮升身家百億千金,上市當日翠如更拉埋男友蕭正楠(Edwin)齊齊現身港交所支持父親,黃家似乎早就認定Edwin呢位「準駙馬爺」喎!
圖:IG@Wongtsuiyu圖:IG@edwinsiu除了「蕭如」現身搶盡大家視線,其實翠如BB幾位姊妹亦引起大家好奇,翠如BB家中有「五朵金花」,家中排行第二的翠如BB還有四位姊妹,她們除了感情深厚,仲相當「娶得過」,當中有天后閨密,亦有廚藝高手!
其中翠如BB的大家姐跟樂壇天后容祖兒其實是小學同學兼好閨密,至今依然保持聯絡,去年容祖兒和李克勤開演唱會時,翠如BB特地同家姐捧Joey場,三人更在後台合照大晒好感情。
圖:IG@Wongtsuiyu至於翠如BB其中一位妹妹就曾經在西班牙學烹飪,其後再於香港一間西班牙餐廳學廚,上年十二月,翠如BB更帶埋Joey及好友一同到妹妹學廚的餐廳捧場,還對妹妹的手勢讚不絕口,絕對入得廚房出得廳堂!
圖:IG@Wongtsuiyu雖然有關翠如BB另外兩位姊妹的資訊不多,但從日前她們現身港交所的相片見,幾姊妹同樣貌美如花,而且據知都依然未結婚兼是擁過億身家的千金,相信唔少男士們都好恨成為下一位「準駙馬」!