正在閱讀
大台感到威脅了?訪問節目出街,只有這個咪牌遭打格

大台感到威脅了?訪問節目出街,只有這個咪牌遭打格

2016.04.28

自從Viu TV開台之後,市民睇電視就多了一個選擇,TVB的確被Viu TV搶了不少收視,在自己台的節目就當然不可以為對家賣廣告,好似月初韓國男神宋仲基同女神宋慧喬襲港,為劇集《太陽的後裔》造勢,TVB隻字不提,梗係啦,套劇係Viu TV開台重頭劇,就當然唔講得啦!

近日TVB的《娛樂頭條》中播出劉嘉玲於內地活動的圍訪,叫得做「圍訪」,即是有多間傳媒一起做訪問,嘉玲被大堆咪牌所包圍實屬正常,除了TVB娛樂新聞台的咪牌,大家仲可以清楚見到其他內地傳媒咪牌,好似左邊有樂視、騰訊、優酷,右邊有東星、土豆、風行等,不過有網民就發現云云咪牌之中竟然出現一團「藍色不明物」,到底係咩嚟?

圖:mytv截圖

網友即刻「名偵探柯南」上身,睇埋Viu TV《十五分鐘熱度》所播出相同的訪問片段,就發現原來「藍色不明物」的正體其實係Viu TV咪牌,不過喺TVB版本中就「被消失」了,與此同時,Viu TV的片段則大大方方出現了TVB的咪牌,對於這個「消失的咪牌」的做法,不少網民就笑指TVB因為感受到威脅才有此一著,又笑言此舉未免顯得小器,大家又點睇呢?

圖:ViuTV截圖

 

其他精彩熱話:

>>>>有鄭嘉穎就有「佢」!古裝《彊》竟然可以咁賣廣告?

>>>>與電影近乎同步!《怪獸與牠們的產地》出書

>>>>跟住矛盾學英文?連詩雅勁講英文惹網民反感