正在閱讀
4D效果全面睇!黎明演唱會5大重點位

4D效果全面睇!黎明演唱會5大重點位

2016.04.30

排除萬難,29日下午黎明一句「OK!Ready喇!」,第二場演唱會如期舉行。一齊睇睇5大重點位,準備入場的朋友記得留意喇! 

 

 圖:FB@Paciwood AMusic

演唱會共分為L(Love)、E(Erotic)、O(Oddness)、N(Night Horror)4大場館。Leon話過,核心嘅外圍係核心嘅內圍,演唱會場地都一樣,穿過入口都要行少少路先到所屬場館。場地頗大,個別場區要兜多幾步路先到。順便提提大家,4大場館互不相通,小心行錯。 

 

  

1. 開騷前必行飲食娛樂區

明蝠俠一早講明今次演唱會有得食有得玩,開騷前可以考慮去O段旁邊的飲食娛樂區行下, 不單有黎明氣球藝術裝置同埋PhotoBooth畀粉絲打卡,仲有漢堡、熱狗同啤酒等食物飲品,醫飽肚先入場,仲點會空肚聽歌?

 

   

2. 「一盒子的愛」抽獎

進入所屬場館前,職員會派發名為「一盒子的愛」的紀念品。若你的盒子內藏有黎明心心卡,完場後就得去出口位置領獎!由於小編只係抽中人人有份的Memo紙,抽不中矜貴的 Sulwhasoo 雪花秀護膚品。

 

  

3. 偷睇天王換衫

天王於室外場地開騷,場館並無地下通道,今次演唱會的更衣室由貨櫃搭成,並放於O段及N段中間,如果你坐近邊位,恭喜你,你可以比其他觀眾早幾秒睇到黎明的下一個造型。

 

 

4. 布幕投影

若果並非坐於上述位置,見唔到偶像行出行入換衫亦唔會悶。黎明換衫時都落下黑幕做投射,記得有森林、古老電梯等不同效果。同時台上亦曾落下透明幕同其他場館,配合投影,台上出現雷電及龍捲風效果,十分特別。不過拆下布幕令到現場有點光,所以未必達到預期效果。

 

圖:FB@Paciwood AMusic

5. 飄雪噴香氣4D 效果合格有餘

今次演唱會主打 4D 效果,除了上面提到的布幕營造特別視覺效果之外,還會不時噴泡噴香氣 。當黎明唱出《送你一瓣的雪花》時,場館上層噴出泡泡打造飄雪效果,令人驚喜!另外演唱會亦有香味效果 ,因拆除帳篷後場館不再密封,令效果大打折扣。雖然4D效果中有氣味及投影部分稍稍扣分,但以首次舉辦的4D演唱會而言,整體效果仍然吸引 。

 

等了24小時,粉絲們終於「守得雲開見黎明」。作為香港第一個主打4D效果的演唱會,即使結果舞台效果跟預期有所出入, 睇到黎明如何承擔兼化解公關災難,小編覺得早已值回票價。

 

>> 另看黎明演唱會第一場歌單足本重溫

評語

enloha
enloha 【出售】黎明演唱會2017 ! 即上 Ticketbuynow .com
10/02/2017 13:17