男神黃子華即將回歸舞台劇,公開售票掀起一陣撲飛潮,有網友大呻「男神效應」令購票網站整個早上都系統繁忙,唔少人試足全日都未買到飛,買唔到飛的朋友,可以好似小編咁睇男神新廣告先止住癮先!
廣告中,子華化身大暖男,「出手又出口」拉近人與人距離,初時以為他玩惡作劇,將老婆婆的橙拋在地上,原來他是為了引起後生仔注意,令後生仔幫老婆婆執橙主動關心老婆婆。
之後子華去到海旁,見到一對情侶面阻阻,子華「出口」令二人和解,方法竟然是扮女生偷咀男朋友,相信令好多粉絲都非常羨慕該名「男朋友」!
於廣告尾段,子華捉住小妹妹的手,遞雞髀給「低頭族」爸爸,又同小妹妹「gimme five」,唔少網友都大讚廣告將子華的暖男本色發揮到極致,片段在Facebook上載短短10小時已經狂吸過萬like,男神果然魅力驚人!
圖:Youtube截圖
其他精彩熱話: