打工仔最怕：一邊返工一邊等其他公司打黎叫Interview
文：抒文
成日聽人講「女人最怕嫁錯郎，男人最怕入錯行」，雖然我覺得呢句說話聽落有點Outdated，因為今時今日不論男女都要返工，點會只係得男人最怕入錯行呢？不過諗深一層，其實呢句說話後半部份多少係想反映入錯行的可怕。
不過入錯行唔算最可怕，你知道可以轉，但最怕係一邊返工一邊等其他公司打黎叫interview。
明明做緊野，幾忙都好你都要留神有無電話打黎，因為每一下電話震動之前都完全無先兆，隨時話響就響，令你個心離一離，偏偏好多時又可能係食詐糊。
「震了！」褲袋傳來了輕微的跳躍。你以9秒9的姿態衝到公司較少人的地方，後樓梯是首選，廁所是次選，按電話訊號收得較好的地方來排列。
拿出來一看，原來只係一個朋友的whatsapp，和play store的更新軟件提示。
「&*^$%#^$&*(&」你心裡咒罵。
當你心中念著不滿返回座位的途中，你褲袋又震動了！
你在想「唔會又玩野啊！?」
點知今次手機顯示屏顯示的是真正的來電，陌生的電話號碼提升了今次的準繩度。
你也不理眾人的目光，按了接聽。
「喂！」
「猜猜我是誰?」
「!#&*#(%(#(q#^」你怒火中燒，立即掛線。
「我心急、我認真！騙徒你竟然係呢個時候走黎呃錢? 可怒也！」
同事們看著你，露出既同情又奇異的眼光，復又繼續工作。
只留下傻傻的你站在原地。
不過食詐糊還好，起碼你係有時間聽電話，最慘係打黎既時間唔岩，撞正你趕緊工行唔開，仲要老闆係隔離。你也只能任由電話褲裡響，含著淚等它沉默。
終於等到手上的工作都忙完，你連忙拿出電話，準備回撥，但是當你瞄瞄公司的掛鐘，發現時間已是晚上8點。
「這些機會不是屬於我的，明天請早吧！」你心想。
所以話一邊返工一邊等其他公司打黎叫interiew真係隨時心臟病發。
本篇圖文獲作者抒文授權刊登，未經准許，請勿轉載！
抒文 Facebook：https://www.facebook.com/sharefeeling2015/
港生活人氣本地熱話
↓【限時搶⚡】Orca Skincare芭絲特貓神魔幻養肌蜜粉↓
↓櫻花粉色增添紅潤血色感｜蜜桃粉橙色提亮膚色↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
