熱愛優質生活
首頁   \   港熱話   \   你們必定是錯,因為你的年輕就是錯

你們必定是錯,因為你的年輕就是錯

2016.06.23

 文:吹水皇的後花園


圖:Flickr@Knitty marie

曾經看過一段影片講述兒童心理,大致上是指出某種卡通片儘管最後意思是表揚善良,小朋友亦可能因為智力未足而會接受到另一種所謂「不良訊息」。
所謂「不良訊息」就是可能兒童會排斥其他小朋友,小圈子等等。

我和大部份的人,包括我所接觸到的家長,都有著同一個第一印象-就是這種影片應該受到管制。直到我跟朋友富爸爸討論起有關問題,他的反應卻是令我恍然大悟。
富爸爸想的和我不一樣。
「你都會發脾氣都會嬲,會喊,會有情緒會有唔鍾意既人,點解小朋友唔可以?」
「唔係嘛?咁小朋友係咪應該學習D正面既野先呢?」我反問。
「你又係人,佢又係人,雖然佢地細個有時唔識得分岩同錯,但你地唔可以阻止佢地出現你都會有既感受。」

說罷,我似懂非懂。
其實成年人總是奇怪,自己做可以,小朋友做就是錯。
當焦點落在小朋友身上,總是什麼都不順眼。

大人開OT無假放叫做刻薄;小朋友上學下課繼續補習學鋼琴,連踩12小時叫做應份。
無假放,減人工,成年人叫苦連天;無遊戲,多功課,小朋友只可以「硬食」。
工作辛苦上班一族找個人發洩叫正確;學業辛苦找個人傾計叫「唔捱得」。
做了20多年人,好像我還未看得透。

網上很多無情的批評令我想起小時候一段往事-
父母指責我成績奇差,只想玩樂不願工作,再引用例子「睇下隔離屋個呀琴幾叻!」「好多人書都無得讀架!」
包頂頸的性格令到怒火,由腳底升到天靈蓋:
「你地睇下呀顯個老豆老母幾叻呀!人地一個月搵幾萬蚊又有得住大屋;我都淨係讀書差,無打架無偷野,好多人….」

啪啪啪 當然是被大巴大巴摑落塊面。
回頭想起,感覺又再不同。
富爸爸見我一面心事再問我:
「知唔知點解永遠偏食既都係細路?」
「因為買餸嗰個人永遠都係大人丫嘛!哈哈」

醍醐灌頂,不過我笑唔出。



本篇圖文獲作者 吹水皇的後花園 授權刊登,未經准許,請勿轉載!

吹水皇的後花園 Facebook:https://www.facebook.com/blowwaterking/

 

內容評分
評語