哄番女朋友，我買咗佢最鍾意食嘅朱古力俾佢
文：熱豆腐仔
哄番女朋友，我買咗佢最鍾意食嘅朱古力俾佢
其實我發覺禮物同驚喜唔需要好貴，重點係要俾對方知道，你有將佢嘅嘢放喺心到、記得佢講過嘅說話
＊小弟真人真事
.
記得嗰陣考完公開試，我同女朋友都有返part time打發時間。
而有一晚接女朋友放工之前，我專登跑去便利店買咗佢鍾意食嘅朱古力
因為，我好似激嬲咗佢~
.
或者當時都唔知可以做啲乜，所以就叫做博一博
當然，首先接人放工千其唔好遲過佢，如果唔係就一定更加嬲！
所以，我一早就係附近等佢
直至佢打俾我。
「我收工啦」
聽到出佢仲係嬲嬲豬～
「哎哋唔好嬲啦，我依家過嚟啦～」
「嗯」
「…………………」
.
迎面見到女朋友都行緊過嚟，已經feel到佢好大殺氣
佢一嚟到我就好快攬住佢，然後迅雷不及掩耳之際將條朱古力放喺佢個袋，諗住俾個小驚喜佢
(由於佢係類似環保袋個隻款，所以好易放入去)
.
「sorry呀..唔好嬲啦..」
「無呀！我無嬲」
雖然都預咗佢咁講，但口是心非嘅嘢又點會瞞得過我！
「嬲得多個人唔靚架啦～不如食啲甜嘢開心番」
「唔食呀！」
「要啦，你最鍾意嘅朱古力喎」
其實我當初都驚買錯，始終佢無直接同我提過，只係我之前成日見過佢買～
.
「又要行，我唔想專登行去買呀！」
因為嗰陣我地係類似屋苑嘅地方行緊，附近便利店都好遠
「唔洗買架，你想食我可以變出嚟～」
「唉唔想同你講嘢..」
「我講真架，唔信你望吓自己個袋」
我見佢搵搵吓，由嬲嬲地變到好驚訝嘅樣，真係不枉我花盡心思
.
「點解嘅？」(吳若希mode)
「我都講咗架啦～你鍾意嘅我都可以變俾你」
.
見到女朋友由個心笑番出嚟，最後我地仲拖住手一齊返屋企！
.
本身我都唔知朱古力有咁大威力！
又或者，佢都唔係咁難哄姐
而事後女朋友同我講番，係因為我記得佢鍾意食邊隻朱古力，好開心記得佢做過、講過嘅嘢，叫做有放喺心入面，所以亦都嬲唔落
.
所以話，做男人點都要有記性，出咗事都起碼知點樣去補救！
.
P.S 好彩係朱古力仲買得起，如果佢話鍾意層樓，真係俾埋條命佢算～(即刻選擇性失憶)
Btw我夠鍾意樓:( 最好有埋車添！
本篇圖文獲作者熱豆腐仔授權刊登，未經准許，請勿轉載！
熱豆腐仔 Facebook: https://www.facebook.com/hothottofu/
作者的其他文章：
港生活人氣本地熱話
【🎁免費送】HIZERO 輕量級F300潔地機！
【旅途無蝨】請您用AQUA PRO+TECH「驅蚊大師」滅菌驅蚊液 ！
