打工仔返工要處理自己的工作已經夠晒忙碌，有時仲要處理人事問題，實在相當頭痕，一個唔好彩遇着難相處，又或者好食懶飛的同事，都咪話唔嘔血，近日有位網友為老婆抱不平，原來老婆有位「極品」同事，網友列出極品女同事「七宗罪」，大家睇吓自己的辦公室又有無這類極品同事！
1. 咩都係「老奉」
影印機無紙、水機無水，永遠唔會自己換，奉旨由共用辦公室的其他同事出手。
2. 冷氣「揸fit人」
永遠穿背心熱褲加拖鞋返工，但喜歡投訴辦公室冷氣大，甚至使出非常手段，用膠紙封實冷氣掣。
3. 雪櫃終結者
每日平均叮十幾次食物，食唔完就放入公司雪櫃，由打開了的飯盒、變壞的奶，以至榴槤都有，將雪櫃全面私有化。
4. 密密食，密密痾
不停食的後果就當然是不停痾，每日去十多次洗手間，離開多過留於座位的時間，更甚是沒有如廁後沖水的習慣，衛生意識甚低。
5. 中午睡一睡，好過做元帥
究竟為了午睡可以去到幾盡？極品同事係會特地熄燈午睡，叫實習同事摸黑開工，甚至必要時走去另一間房墊垃圾袋打地鋪，瞓完就例牌唔會自行清理垃圾袋啦。
6. 變臉功夫出神入化
面對老闆時就是悲劇主角，狂呻自己有幾委屈、有幾辛苦，面對同事就即變灰姑娘的後母，態度惡劣。
7. 遲到早退是常識吧
辦公室時間由佢話事，朝11晚2至4不等，雖然正式辦公時間為朝9晚6，但其他同事都無佢符。
老老實實，小編睇到第三點已經忍唔住，大家又忍到幾多樣？
來源：香港討論區
其他精彩熱話：
」，
App內睇文同睇片可隨時捕捉U Fun彩蛋，
換領現金券及禮品！
【登記送🎁】L'OCCITANE 3款臻緻節日倒數日曆🎄！
↓一次帶走24件護膚、身體／頭髮護理及香水產品↓
↓【限時搶⚡】白燕NESTURE 必白美肌X烏黑生髮食療！↓
↓ 輕鬆回復素顏肌 / 同時減少白髮 ↓
