第九次夥拍陳豪！網民讚邵美琪扮後生有說服力

TVB新劇《完美叛侶》今個星期正式出街，由陳豪和邵美琪（Maggie）主演，唔講唔覺，原來兩人已經是第九次合作拍電視劇，之前於《心戰》(2012年)、《天與地》(2011年)、《珠光寶氣》(2008年)、《火舞黃沙》(2006年)等劇合作過，故此演出對手戲可謂駕輕就熟，此外，劇集不乏其他好戲之人，好似黃智賢、簡慕華等。

對於新劇首集播出，網民的反應暫時以正評居多，當中不少是稱讚Maggie在劇中狀態大勇，除了演技保持一貫水準，更令人驚奇的是她的「逆生長」外貌，現年51歲的Maggie在劇中飾演三十多歲的少婦，但不少網友大讚她keep得好，演起來依然有說服力。

Maggie逆生長外貌成為劇集一大亮點。

雖然網民對劇集的反應大致屬於正面，但有網民卻對劇集主題曲唔多buy！在劇集出街前兩日，TVB已經率先公佈《完美叛侶》主題曲《最後一次分手》，主唱「又」是吳若希，鑑於近年TVB劇集經常由「星夢四子」許廷鏗、胡鴻鈞、鄭俊弘和吳若希主唱，有網民就表示「聽到悶」，希望可聽多啲其他歌手獻聲。