正在閱讀
落雨也不怕!商場以外的借遮服務

落雨也不怕!商場以外的借遮服務

2016.07.06

香港夏天炎熱多雨,話變就變,仲難捉摸過女朋友個心。每季總有一次半次唔記得帶遮,但又唔想買一把,咁點算呢?走入商場避雨?但就近又未必有商場,就算有借遮服務都借唔到。下次亦可以考慮到以下這兩個地方借遮。咁以後就算遇上不測風雲,落雨也不怕啦!

1. 麥當勞

當你見到黃色粗體M字標誌,走入去就得啦!走去收銀面前,用嘹亮而清晰嘅聲線同佢地講 : 「唔該我想借遮!」

收銀員就會轉介你去其他職員度,作特別招待。經理係房中為你取出麥當勞雨傘一把,然後你再交三十大元,即可獲得雨傘一把及收據一張。

到任何一間麥當勞麥都可以還遮。只要同職員講:「還遮!」即可觸發老麥還遮事件。要提醒大家,麥當勞借遮服務不設退款。無需收據,把遮交還後,職員會給你三十元麥當勞現金券。憑券可於麥當勞換取食物。

2. 馬會友心站

馬會内的友心站,亦有提供「雨傘外借服務」。借遮需繳付$50按金,馬會嘅遮好硬淨,質感較麥當勞的好。大家記得要保留借用收據,然後還遮,咁就可以全數取回按金。溫馨提示,十八歲以下人士請勿進入馬會投注處。