熱愛優質生活

有冷氣兼停站多!6大小精靈訓練員巴士專線

2016.07.27

自Pokemon Go於香港上架,一街都係寵物小精靈訓練員。之前教大家搭電車孵蛋兼捉精靈,小編見到近日車上訓練員數量大増,遲上車的朋友有機會企足全程,要捉住扶手又要注意無阻住通道,似乎電車已無上架當日咁少人搭。

  

原來全港有不少巴士路線都好適合捉小精靈,停站多而且少入隧道和高速公路,最吸引係有冷氣。以下推薦六條「訓練員專用」的巴士路線,等車長帶你周圍去,嘆住冷氣舒舒服服捉精靈!

唔搭車,仲可以揀去附近商場。
>>> 歎住冷氣捉!全港20大商場小精靈實景出沒地圖

  

城巴/新巴 116 - 鰂魚涌 → 慈雲山(中)

116號是一部來往慈雲山和鰂魚涌的過海隧道巴士,途經斧山、新蒲崗、九龍城、土瓜灣、銅鑼灣、炮台山等地,更會轉入銅鑼灣內街,沿途有30個停靠站。若遇上放工時間塞車,行車更慢,訓練員自然有更多時間捉精靈拎補給啦!

車費:$9.3

往鰂魚涌路線:

往慈雲山路線:

 

九巴53- 來回元朗及荃灣西站

九巴最多分站的路線,單計單程已有74個分站!雖然53號停站最多,行車時間亦長,但班次非常疏,等車時間較長,而且非繁忙時間未必站站停,乘搭53號線捉小精靈未必是最佳選擇,新界人搭輕鐵反而更方便。

車費:$8.7

往元朗路線:

往荃灣西路線:

 

 

九巴86C - 來回馬鞍山、長沙灣 

有「馬鞍山特慢巴士」之稱的86C來回馬鞍山、長沙灣之間約有29至33個站,加上兜入沙田,行車時間長,是另一條大熱捉小精靈路線!

車費:$8.9

往長沙灣路線:

往馬鞍山路線:

 

城巴85 - 循環來往小西灣(藍灣半島)及寶馬山

壓軸最佳路線!85號城巴循環往來小西灣和寶馬山,循環一次合共停69個站,再在原站下車,車費便宜、停站多而且是循環線,沿路經圍不少Pokestop,無論拎精靈球或捉小精靈一樣得!

車費:$3.9

來往小西灣和寶馬山循環線:

 

除了以上四條路線,九巴亦在官方網站推薦了兩條沿海巴士線,仲寫明用來捉水系小精靈一流!

 
圖:九巴官網

 

九巴1A線 - 來往秀茂坪、尖沙咀

1A經觀塘、九龍灣、旺角等到達尖沙咀碼頭,沿途30多個站,如果想慢慢坐車捉小精靈,可以在繁忙時間乘搭1A,在彌敦道一邊塞車一邊尋找鬧市中的小精靈!加上駛經沿海地區,遇上傻鴨及車厘龜等水系小精靈的機會甚高。

車費:$7.2

往尖沙咀碼頭路線:

 

九巴 6號來往尖沙咀、荔枝角

搭完1A到尖沙咀碼頭捉水系小精靈之後,可以乘坐6號巴士,同樣經彌敦道到荔枝角,順道去荔枝角公園捉小精靈!

車費:$5.1

往荔枝角路線:

 
 
內容評分
評語